1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

2.3.  Sabaqtın’ tiykarg’ı bo’liminde oqıwshılardı sho’lkemlestiriw 

a’melleri 

 Sabaqtın’  wazıypasına,  oqıwshılardın’  sanına  h’a’m  olardın’  tayarlıg’ına, 

a’spab-u’skenelerdin’  sanına  qarap  oqıwshılardın’  h’a’reketlerin  h’a’r  qıylı 

a’mellerde  sho’lkemlestiriwge  boladı.  Tiykarg’ı  bo’limde    qıyın  bolmag’an 

shınıg’ıwlardı    u’yretiw  h’a’m  qaytalawda  «frontal»  usılda  yag’nıy  barlıq 

oqıwshılar  bir  waqıtta  orınlasa  maqsetke  muwapıq  boladı.  Bull  a’mele  qıyın 

bolmag’an akrobatikalıq h’a’m ulıwma rawajlandırıwshı, ayaq oyın elemetleri, 

erkin shınıg’ıwlar, arnawlı tayarlıq h’a’m keltirip shıg’arıwshı, ten’ salmaqlılıq 

shınıg’ıwları,  tirkewshi  shınıg’ıwlardın’  ayrımların  orınlag’anda  en’  jaqsı 

na’tiyje beredi.  Sabaq «frontal» a’melde o’tilgende sabaqtın’ tıg’ızlıg’ı ju’da’ 

joqarı  h’a’m  mug’allim  barlıq  oqıwshılardın’  h’a’reketlerin  gu’zetiw 

mu’mkinshiligine  iye  boladı  bull  o’z  gezeginde  oqıwshılardı  jaqsı 

sho’lkemlestiriwge, ta’rtip –intizamlı etip ta’rbiyalawg’a ja’rdemlesedi.  

Gimnastika  u’skenelerindegi  shınıg’ıwlardı  orınlawda  oqıwshılardı 

sho’lkemlestiriwdin’  ko’p  tarqalg’an  a’mellerinen  biri  toparlı  a’mel  sanaladı, 

bunda klass kishi toparlarg’a (bo’limlerge) bo’linedi, h’a’r bir kishi topar o’zine 

bekitilgen  u’skenede  (snaryadta)  shug’ıllanadı.  Belgili  bir  waqıttan  keyin 

toparlar  orının  almastıradı.  Mu’mkinshiligi  barınsha  h’a’r  bir  kishi  toparda 

(bo’limde) 6-8 oqıwshıdan artıq bolmawı kerek.  

---