1-Mavzu: Zamonaviy pedagogik texnologiyalar turlari. (2 soat). Reja

An’anaviy tushuntirish-ko‘rsatmali ta’lim turi Mazkur ta’lim usuli an’anaviy ta’lim turi bo‘lib, unda o‘quv axboroti asosan o‘qituvchi tomonidan bayon qilinadi, o‘quvchilar esa mazkur bilimlarni xotirasida saqlashlari va mustahkamlashlari kerak. Bunda K.G.Markvardtga (1981) asosan - bilim tushunchasiga kiritilgan ma’no xotirada saqlanayotgan axborot deb tushuniladi. Ular xotirani ichidan yuzaga chiqariladi, boshqacha qilib aytganda unga to‘g‘ridan-to‘g‘ri murojaat qilib savol berilganda esga (yodiga) keltiriladi. Biroq o‘qish-o‘qitish natijasi xotirlash darajasidagi bilimlar xotirada uzoq saqlanmaydi, zarur vaqtda o‘quvchilar ularni juda qiyinchilik bilan eslaydi, ko‘p hollarda esa umuman eslay olmaydi.

O‘quv materialini o‘zatish tizimida o‘qituvchi-o‘quvchiga tayyor bilimlarni imkoniyatidan kelib chiqib, o‘quvchining ushbu bilimlarga bo‘lgan ehtiyoji bor-yo‘qmi hamda uning faollik darajasini qanday bo‘lishidan qat’iy nazar beradi. V.Guzeev ta’kidlaganidek, an’anaviy ta’lim metodikasi uchun o‘qish-o‘qitish maqsadlarini noaniq bayon qilish xarakterli bo‘lib ular dastur talablari bilan ifodalanadi, xolos. Bunda ta’lim oluvchining xolati haqida ―o‘zlashtirish‖ tushunchasi orqali sal-pal tasavvurga ega bo‘lamiz. Ta’lim jarayoni esa odatda muvofaqqiyatli pedagogik faoliyat ko‘rsatayotgan o‘qituvchilar tajribasini umumlashtirish asosiga tayanib tashkil etiladi. Har bir aniq vaziyat uchun muvofaqqiyatli pedagogik faoliyat ko‘rsatayotgan o‘qituvchining namunasi izlab topiladi. Biroq tobora ko‘pchilik olimlar va amaliyotchilarning ko‘rsatishicha ta’limda hususiy metodikaning gullab-yashnagan davri o‘tdi va eng yaxshi pedagoglar tajribasini umumlashtirish (agar umuman nodir xodisalarni umumlashtirish haqida gapirish mumkin bo‘lsa) kafolatlangan tizim va maqsadga qaratilgan samarali ta’limni tashkil etish imkonini bermaydi.

O‘qitish metodikasi - bu har bir fanni o‘quv predmeti sifatida hamda turli yoshdagi o‘quvchilarga fanni mazmunini o‘rgatish jarayonining qonuniyatlarini o‘rganadigan fandir. Fanlarni kasbiy  o‘qitish metodikasi fan sifatida XX asrning ikkinchi yarmida, O‘zbekistonda esa 1985 yildan boshlab rivojlana boshladi .

Ta’limga tushuntirish-ko‘rsatmali yondashuv usuli ta’lim tizimida katta xizmat ko‘rsatdi. U takomillashtirishni davom ettirayapti, biroq mazkur takomillashtirishning imkoniyatlari bu yondashuvni o‘ziga qo‘yilgan prinsiplar bilan chergaralangandir. Tez rivojlanib boruvchi fan va texnikaning talablari ta’lim tizimidagi islohotlar, ta’lim metodlari bilan jamiyatning raqobatbardosh kadrlar tayyorlashga bo‘lgan talabi, shaxsni rivojlantirish va uni bilimga bo‘lgan extiyojlarini qondirish o‘rtasida ziddiyatga olib keldi.