1. Mavzu: Yog’

2.Duradgorlik ishlaridagi asosiy jarayonlar
2.1.O’lchash ishlarida qo’llaniladigan asboblar
Rejalash va o’lchash ishlari. Bu jarayon eng mas’uliyatli va sermashaqqat
xisoblanadi, chunki aniq rejalash yasaladigan buyum sifatiga to’g’ridan-to’g’ri bog’liq, to’g’ri rejalash esa yog’och materiallardan unumli foydalanish, ishlov berish jarayonida kamroq chiqindi chiqishiga erishishga olib keladi.
Rejalashga kirishishdan oldin yasaladigan detal chizmasi bilan tanishish, uning gabarit o’lchamlarini aniqlab olish lozim. Dastlabki (xomaki) rejalashda belgilanadigan o’lchamlar detalning aniq o’lchamlariga nisbatan kattaroq qilib
olinadi, bu kattalik qo’yim (pripusk) deb atalib keyingi ishlov berishni hisobga olinadi. Detal uzunligi bo’yicha 20 – 40 mm, eni va qalinligi bo’yicha 5mm
qoldirilgan qo’yim me’yorida hisoblanadi. Boshlovchi duradgorlar uchun qo’yim o’lchamlarini biroz kattaroq qoldirish tavsiya qilinadi. Rejalash aniqligi duradgor mahoratiga va rejalash asboblari sifatiga bog’liq. Sifatsiz tayyorlangan rejalash yoki o’lchash asboblari xatoliklarga olib kelishi va natijada yog’och materiallari sarfini oshib ketishiga ta’sir qiladi.
Ruletka dumaloq metall yoki plastmassa g’ilof bo’lib, ichiga 1-100 m uzunlikdagi
o’lchash tasmasi joylashtirilgan, tasmada m, sm, mm da ifodalangan bo’linmalar
tushirilgan. Ruletka chiziqli o’lchashlar, shuningdek uzun arralangan materiallarni xomaki rejalash uchun ishlatiladi. Ruletka bilan ishlaganda g’ilofidagi o’lchash tasmasi uning gardishidan chiqib turuvchi halqasidan ushlab tortib chiqariladi. Tasmani yana o’rash uchun g’ilofining yon sirti markazidagi buklama dastasi aylantiriladi.