1. Mavzu: Yog’

2.O’yish-teshish ishlarini bajarish
O’yish-teshish ishlari birikmalar xosil qilishda bajarilishini hisobga olib, bu ishlarni o’rgatishni bog’lash usullarini o’rgatish jarayonida qo’shib olib borilishi mumkin. Lekin bog’lash usulida turli xil birikmalar xosil qilinib, unda bitta brusok yordamida bir necha turdagi o’yish-teshish ishlarini bajarib bo’lmaydi. Bunkng natijasida navbatdagi tur o’yish-teshish ishlarini olib borish uchun yangi yog’och talab etiladi. Bu esa materialning ko’plab isrof bo’lishiga sabab bo’ladi. Shuni xisobga olib, arralash va randalash mashqidan so’ng bog’lash usullarini o’rgatishga o’tishdan oldin alohida o’yish-teshish
ishlarini o’rgatish (mashq qildirish) maqsadga muvofiqdir (39-rasm). Buning uchun birinchi navbatda o’quv ustaxonalarida ishlatiladigan duradgorchilik iskanalarining turlari, tuzilishi, vazifasi, o’yish-teshish tartibi va bu vaqtda rioya qilinadigan xavfsizlik texnikasi qoidalari haqida qisqacha tushuncha berib, uya, teshik, quloqlarni rejalash va uyish-teshish tartibini amalda ko’rsatiladi.


39-rasm.
O’yish-teshish ishlarini mashq qilish.


O’yish-teshish ishlarini olib borishda o’yiladigan yoroch-taxta materiallarning turiga qarab unga mos iskanalar ishlatiladi. Yumshoq va yupqa yog’och-taxtalarni o’yishda yo’nuvchi iskanalardan, qalin va qattiq yog’ochlarni o’yishda o’yuvchi iskanalardan foydalaniladi. Barcha turdagi yog’ochlarni yo’nishda yo’nuvchi iskanalardan foydalaniladi.
Iskanalardan foydalanishda o’yiluvchi yog’ochni dastgohga o’rnatish, o’qga
nisbatan iskanalarni to’g’ri tutish va bolg’alashga, payraxa ko’chirishga e’tibor
beriladi (40-rasm).