1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Аудиторияни ўрганиш.Презентацияга тайёрланишни биринчи навбатда аудиторияни ўрганишдан бошлаш керак. Тингловчилар қандай одамлар эканини билиш жуда муҳим. Жинси, ёши, касби, билим даражаси, ҳоҳишлари, қўрқув ва хавотирлари, интилишлари. Турли инсонларни ҳам қандайдир белгига кўра бирлаштириш мумкин. Тингловчиларни қанчалик яхши тушунсангиз, фикрларингизни уларни онги ва қалбига шунчалик чуқур сингдира оласиз.

• 
  Мақсадни аниқлаш. Ўзингизга ҳаққоний ва самимий жавоб беринг – тингловчиларнгиз нимани тушунишлари, қабул қилишлари ва нима қилишларини ҳоҳлайсиз? Сизнинг маҳсулотингизни сотиб олишлари керакми? Сизни ишга қабул қилишлари керакми? Билим олишлари керакми? Мақсадни аниқлаш презентация тайёрлашда тўғри йўналишни танлашга ёрдам беради.
  

Материалларни ажратиш ва тизимлаштириш. Кўп сонли материаллар орасидан мақсадингизга эришишга ёрдам берадиган маълумотларни танланг. Бунинг учун ўзингизга шундай савол беринг:

• 
  менга ажратилган вақтда
  
• 
  мақсадга эришиш учун
  
• 
  аудиторияга
  
• 
  айнан нимани гапиришим керак.
  

Презентацияга қизиқарли ном танлаш.Тақдимотга қизиқарли ном танлаш жуда муҳим, ҳатто китоб сотиб олаётган инсон ҳам биринчи навбатда унинг номланишига эътибор қаратади. Одамлар презентацияни айнан номланишига қараб танлашади.

1. 
   Сонлардан фойдаланинг. “Тақдимот қилиш тўғрисида 5 маслаҳат”.
   
2. 
   Савол қўйинг.“Тақдимотга қандай тайёрланиш керак?”.
   
3. 
   Қўшиқ, фильм, бадиий асарларнинг номлари, улардаги машҳур ибораларни ишлатинг.“Суюнчи! Ўзбекистонда коррупцияга қарши кураш эълон қилинди”.
   
4. 
   “Ҳаммаси ...... ҳақида”, “......., нима у?” каби усуллардан фойдаланинг.“Ҳаммаси “оммавий маданият ҳақида”, “Демократия экспорти” нима у?”.
   

Дунёдаги энг яхши 15 та презентациянинг 8 тасининг номланишида савол қўйилган: “....қандай ишлайди?”, ......учун нима зарур?”, “Нима қилиш керак?” ва ҳакозо. Презентациянинг сирли номланиши ҳам тингловчиларда қизиқиш уйғотади.
Визуаллаштириш фойдали жиҳатлари

• 
  нутқнинг мураккаб мазмунини тушунишни енгиллаштириш;
  
• 
  айтилган фикрнинг энг муҳим жиҳатларига урғу бериш;
  
• 
  тушунтиришни осонлаштириш;
  
• 
  айрим фикрларни тингловчиларнинг хотирасига муҳрлаш;
  
• 
  элементлар ўртасидаги алоқаларни кўрсатиш.
  

1.