1-Mavzu: Tarbiyachi kreativligi va kompetentligi fanining maqsad, vazifalari, tarbiyachi va uning jamiyatda

Boshlang‘ich ta’lim pedagogikasi – boshlang‘ich sinf bolalarining yosh, psixologik xususiyatlarini inobatga olgan holda ularni o‘qitish va tarbiyalash jarayonini o‘rganadi.
Pedagogik mahorat va pedagogik texnologiya – bo‘lajak tarbiyachilar, tinglovchilarda pedagogik jarayonni metodik jihatdan to‘g‘ri, samarali tashkil etish, tarbiyachi va bola munosabatlarini oqilona yo‘lga qo‘yish, bo‘lajak mutaxassislarni kasbiy faoliyatni tashkil etishga tayyorlash, ta’lim va tarbiya jarayonlarini texnologik yondashuv asosida takomillashtirish, ilg‘or pedagogik texnologiyalarni yaratish va ta’lim amaliyotiga samarali tatbiq etish masalalarini o‘rganadi.
Korreksion (maxsus) pedagogika – imkoniyati cheklangan kar-soqov (surdopedagogika), ko‘r (tiflopedagogika), aqliy jihatdan rivojlanishda ortda qolgan (oligofrenopedagogika) bolalarga ta’lim berish va ularni tarbiyalashning o‘ziga xos xususiyatlarini o‘rganadi.
Xususiy metodika (xususiy fanlarni o‘qitish) – turli o‘quv fanlari (m: fizika, matematika, biologiya. kimyo. tarix, huquq, jismoniy tarbiya va hokazolar)ni o‘qitishning o‘ziga xos jihatlarini
tadqiq qiladi.
Kasbiy pedagogika – turli (ijtimoiy, texnik, madaniy-maishiy, ishlab chiqarish) yo‘nalishlarida tegishli soha (m: qishloq xo‘jaligini rivojlantirish, madaniy-maishiy xizmat ko‘rsatish tizimini takomillashtirish va boshqalar) bo‘yicha kasbiy faoliyatni samarali yo‘lga qo‘yish yo‘llarini o‘rganadi.
Ta’lim menejmenti – ta’lim muassasasi faoliyatini samarali tashkil etish va oqilona boshqarish masalalarini tadqiq qiladi.
Qiyosiy pedagogika – ta’limning jahon, mintaqa, davlat miqyosidagi rivojlanishining umumiy va alohida tendensiyalari, qonunlari va qonuniyatlarini o‘zaro solishtirish, qiyoslash asosida o‘rganadi, xalqaro pedagogik tajribaning ijobiy va salbiy jihatlarini, milliy pedagogik
madaniyatlar almashinuvining shakl va usullarini aniqlaydi.
Pedagogik innovatika – ta’lim sub’ektlari nuqtai nazardan pedagogik innovasiyalarning mohiyati, paydo bo‘lish, rivojlanish qonuniyatlarini hamda pedagogik an’analar bilan kelajak ta’limining loyihalashtirilishi o‘rtasidagi aloqalarni o‘rganadigan fan.