1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Ta’lim vositalaridan foydalanish shart-sharoitlari
Vositalarning istalgan turidan foydalanishda oʻlchov va mutanosiblikka e’tibor berish kerak. Masalan, koʻrgazmali vositalarning soni etarli boʻlmasligi bilimlarning sifatiga ta’sir koʻrsatadi, bilishga qiziqishni pasaytiradi, obrazli idrok etishni rivojlantirmaydi. Ulardan haddan tashqari foydalanish talabalarning oʻrganilayotgan fanga yengil-yelpi qarashiga olib keladi. Murakkab mavzularni oʻrganishda 4-5 demonstratsiya optimal hisoblanadi.


Ta’lim vositalari tasnifi
Ta’lim vositalari tasnifi aniq va yagona boʻlishi mumkin emas. Ta’lim vositasining ahamiyatli tomoni ularning birgalikda qoʻllanili-shidir va hech qachon bir-birini inkor etmaydi. Oʻqituvchining vazifasi – dars jarayonini faollashtirish uchun ta’limning samarali vositasini tanlab olishdir.
Ta’lim vositalarini tasniflashda turli asoslarga koʻra yondashish mumkin:
- faoliyat sub’ektiga koʻra;
- faoliyat ob’ektiga koʻra;
- oʻquv axborotiga munosabatiga koʻra;
- oʻquv jarayonidagi vazifasiga koʻra.


Faoliyat sub’ekti boʻyicha ta’lim vositalari tasnifi
Faoliyat sub’ekti boʻyicha ta’lim vositalari oʻrgatish va oʻrganishga boʻlinadi.
1. Oʻqitish vositalari. Masalan, namoyishli-tajriba qurollari. Bunday qurollar oʻqituvchi toionidan mavzuni tushuntirish va mustahkamlash uchun qoʻllaniladi.
2. Oʻrganish vositalari. Masalan, laboratoriya-praktikum qurollari. Bunday vositalar talabalar tomonidan yangi bilimlarni egallash uchun qoʻllaniladi.
V.A.Slasteninning fikricha, didaktik vositalar oʻqituvchi va talaba uchun xosligiga qarab, ikkiga boʻlinadi. Birinchisiga koʻra, narsalar oʻqituvchi tomonidan ta’limning maqsadlarini samarali realizatsiyalash uchun qoʻllanilsa, ikkinchisi – bu talabalarning individual vositalari, darsliklar, daftarlar. Bundan tashqari didaktik vositalar oʻqituvchi va talabalar faoliyat turiga koʻra sport qurollari, botanika va geografiya maydonchasi, kompyuterlarga ham boʻlinadi.