1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

1-shakl. Ta'lim metodlari.

Oʻquv materialini ogʻzaki bayon qilish metodi bayon qilinayotgan ma'lumotlarning toʻgʻridan toʻgʻri ta'lim beruvchining jonli nuqti orqali idrok qilinishi bilan tavsiflanadi va ana shu xususiyatiga koʻra ta'limning boshqa metodlaridan farq qiladi.
Ta'limning koʻrgazmalilik metodidan amaliy faoliyatda foydalanishda namoyish etish, tasvirlash va ekskursiya metodi bilan ish koʻrishda ta'lim oluvchilarni turli mavzularda tasviriy materiallar bilan ishlashga jalb etish muhim didaktik ahamiyatga ega.
Amaliy mashgʻulotlar metodi, asosan oʻzlashtirilgan iJmiy bilimlarni mustahkamlash va uni amalda qoʻllay olish, tegishli koʻnikma va malakalarga ega boʻlishni ta'minlashga xizmat qiladi. Odatda mashq qildirish deganda ilmiy bilim va ma'lum bir ish-harakatni oʻzlashtirish yoki takomillashtirish maqsadida rejali ravishda tashkil etilgan takrorlash tushuniladi.
Mashq qildirish metodi oʻquv predmetlarining mazmuni va tav-sifiga qarab turlicha olib borilishi mumkin. Ta'lim oluvchilarning oʻzlashtirgan koʻnikma va malakalarini mustahkamlash va ularning ijodiy qobiJiyatlarini rivojlantirishda mashq qildirish lozim.
Laboratoriya metodi. Bu ta'lim jarayonida ta'lim oluvchilarga atrofni oʻrab turgan obyektiv borliqdagi narsa va hodisalar, ularning shakli, hajmi, tarkibi, tuzilishi, oʻzgarishi va rivojlanishi qobiliyatlari haqida yangi-yangi bilimlar berish, oʻzlashtirayotgan ilmiy bilimlarni mustahkamlash hamda tegishli koʻnikma va malakalar bilan qurollan-tirishda muhim ahamiyatga ega.
Demak, bu shunday ta'lim metodiki, unda ta'lim oluvchi ta'lim beruvchi rahbarligida oldindan belgilangan reja asosida tajribalar oʻtkazadi yoki amaliy vaziflarni bajaradi va shu jarayondagi bilim-ni yangilaydi va tushunib yetadi. Shu sababli ham ular qat'iy reja asosida ish olib boradilar. Reja - ta'lim mazmunini ta'lim oluvchilar tomonidan tajribalar va amaliy ishlarni bajarish hamda oʻrganishning koʻrsatmalarini ifodalovchi ta'lim beruvchining hujjati hisoblana-di. Unda mashgʻulot mavzusi, ishning maqsadi, unga ajratilgan vaqt, mashgʻulot mavzusining mazmuni, mashgʻulot boʻyicha adabiyotlar roʻyxati oʻz ifodasini topadi.
Laboratoriya metodi, deyarli barcha fanlar boʻyicha ta'lim berish-da uchraydi. Laboratoriya metodi oʻz xususiyatiga koʻra quyidagicha turlarga va shakllarga boʻlinadi (1-shakl):