1-mavzu. O‘sish va rivojlanishning umumiy qonuniyatlari. Organizm va muxit

Hujayraning kimyoviy tarkibi
Hujayraning tarkibiy qismini anorganik, organik, moddalar va 70% dan
ko‘prog‘ini suv tashkil etadi. Suv erituvchi xususiyatga ega bo‘lib, hujayradagi barcha hayotiy jarayonlarda muhim rol o‘ynaydi. Hujayra tarkibida fosfor, oltingugurt, kalsiy, kaliy, natriy, xlor, temir, magniy, kremniy kabi makroelementlar va yod, mis, kobalt, rux, nikel, oltin kabi mikroelementlar bo‘ladi. Bular hujayraning anorganik moddalaridir. Hujayra tarkibidagi organik moddalarga oqsillar, yog‘lar, uglevodlar, nuklein kislotalar kiradi. Oqsillar hujayraning asosiy tarkibiy qismi hisoblanadi. Oqsil muhim plastik ahamiyatga ega bo‘lib, u hujayraning barcha hayotiy jarayonlarida, ko‘payishida va eskirgan tarkibiy qismlarning yangilanib turishida asosiy vazifani bajaradi. Yog‘lar ham hujayraning tarkibiy qismiga kirib, plastik va energetik vazifani bajaradi. Uglevodlar ham asosan energetik ahamiyatga egadir.
To‘qimalar
Tuzilishi, funksiyasi, hayotiy jarayonlari va rivojlanishiga ko‘ra bir
biriga o‘xshash bo‘lgan hujayralar to‘plami to‘qima deyiladi. Odam organizmida to‘rt xil: epiteliy, biriktiruvchi, muskul va nerv to‘qimalari mavjud.