1-мавзу. Мулк ва баҳолаш ҳақида умумий тушунчалар

Талаб ва таклиф (supply and demand).
Талаб ва таклиф тамойилига
 
биноан, мазкур 
бозордаги ўхшаш мулк учун талаб ва таклифнинг ўзаро таъсири мулк нархини 
белгилайди. 
Кўчмас мулк бозорининг такомиллашмагани туфайли, кўчмас мулк нархлари фақат 
талаб ва таклифга қараб белгиланади. Мазкур тамойилнинг бошқа ўзига хос хусусияти 
- бу унинг кўчмас мулк бозорида катта инерционлигидир. Агар узоқ муддатларга талаб 
ва таклифнинг ўзаро таъсири мумтоз назарияларга анча яхши риоя қилсада, қисқа 
муддатларга назария иш кўрсатмайди, негаки кўздан кечирилаётган товарнинг 
хусусиятлари туфайли уни ишлаб чиқариш учун катта вақт талаб этилади. 
Бундан ташқари, кўчмас мулк бозорида ташқи чеклашлар ҳам таъсир қилиши 
мумкин (масалан, давлат чеклашлари) ва улар бу омилларнинг ўзаро таъсир қилиши 
намунавий тавсифини бузади. 
Талаб одатда таклифга қараганда кўпроқ ўзгарувчандир. Талаб ва таклиф тенг 
бўлганида бозор қиймати таннархни акс эттиради. Агар бозор нархлари таннархдан 
пастроқ бўлса, янги қурилиш сусайиб кетиши ва тўхташи мумкин ва аксинча. 
Рақобат (competition).
Рақобат тамойилига кўра, бозордаги даромад ишлаб 
чиқариш омилларининг тўланиши учун зарур бўлган даражадан ошиб кетса, унда 
мазкур бозордаги рақобат ўсади. Бу эса даромадларнинг ўртача даражасини 
пасайишига олиб келади. Бозордаги ортиқча даромад салбий рақобатга сабаб бўлади. 
Айни вақтда оқилона рақобат бозор ривожланишига ёрдам беради. Монополизмда 
рақобатнинг йўқлиги, баҳолаш вақтида бозор қийматини аниқлашдан ташқарида 
турган факт сифатида ҳисобга олинади. 
Бу тамойил бозор меъёридан ошиб кетадиган даромадни кўриб чиқишда жуда 
зарурдир. Агар даромад узоқ муддатли ижара билан таъминланмаса, унда унинг 
тушиш эҳтимоли бозордаги ўртача даромаддан анча пастроқ, таваккаллик эса тегишли 
равишда юқорироқ бўлади. 
Ўзгариш (change)
. Ўзгариш тамойили
 
кўчмас мулк қийматининг вақтдаги 
беқарорлигини акс эттиради. 
Қийматнинг ўзгариши, ҳам кўчмас мулкнинг ўзгариши (масалан, қурилиш 
конструкцияларининг жисмоний емирилиши, қайта таъмирлаш), ҳамда ташқи 
шароитларнинг ўзгариши натижасида рўй беради. Келгуси фойдаларни олдиндан 
айтиш учун ташқи ва ички шартлар ўзгаришларини кузатиб бориш муҳимдир. 
Ўзгариш тамойили баҳолашнинг профессионал андозасининг - баҳолашнинг аниқ 
санасини қайд қилинишини изоҳлайди.