1-Mavzu: Kompyuter grafikasi haqida tushuncha

1.4. Zamonaviy kompyuter grafikasi va ularning shaxsiy kompyuterlar ommaviylashuvi jarayonidagi grafik interfeysi
Shaxsiy kompyuterlar axborotlarni qabul qilish,saqlash, qayta ishlash va foydalanuvchiga taqdim etish uchun moʻljallangan. U albatta yordamchi vositalar orqali turli shakllarda(jumladan simvolli, raqamli, anologli,tasvirli, animasiyali va boshqalar) koʻrinishida amalga oshiriladi. Shaxsiy kompyuterni harakatga keltiruvchi vositalardan biri uning dasturiy ta’minotidir. Bunday muhim dasturiy ta’minotlardan biri bu amaliy dasturlar paketlaridir(ADP).
Amaliy dasturlar paketlarining keng tarqalishi shu bilan asoslanadiki, tasvirni kommunikasiya vositasi sifatida qabul qilish inson uchun tabiiyroq boʻlib bu usulda ham yetarli aniqlikka erishish mumkin.
Kompyuter grafikasini passiv va interaktiv boʻlaklarga boʻlish avvaldan ma’lum. Bundan 25-30 yillar avval ulugʻ olimlarni, san’at ustalarini, sportchilarni, multiplikasion filmlar qahramonlarini (masalan, boʻri, quyon rasmlarini), Albert Eynshteyn, Gerakl, Aristotel rasmlarini EHM larning alfavit raqamli chop etuvchi qurilmalaridan chiqarish keng tarqalgan edi. Bunda rasm ma’lum nuqtalarga bir xil belgilarni tushirish orqali, rang tafovut esa ba’zi bir joylarda shu belgilarni bir necha marta urib (toʻq yoki och rang hosil qilish orqali), ba’zi bir joylarda bir marta tushirib (och rang hosil qilish orqali) mashina qogʻozi sathida hosil qilinardi. Tasvirni bunday usulda hosil qilish passiv Kompyuter grafikasiga tegishlidir.
Interaktiv Kompyuter grafikasi (IMG) bu shundayki, bunda tasvirning holoti, uning shakli, mazmuni, oʻlchamlari va rangini displey ekranida interaktiv qurilmalar yordamida dinamik ravishda uzluksiz oʻzgartirib turish yoʻli bilan boshqarib turiladi.
Zamonaviy shaxsiy kompyuterlarda hosil qilinadigan grafikalar amaliy jixatdan qaraganda hammasi interaktivdir.
Passiv Kompyuter grafikasiga planshetli va barabanli grafik tuzuvchi qurilmalar yordamida, shuningdek printer, kino va video kameralar yordamida hosil qilinadigan tasvirlar kiritiladi.
Bu qurilmalar yordamida hosil qilinayotgan tasvirga bevosita ta’sir qilib boʻlmaydi. Displey qurilmasi, sichqoncha yordamida kiritish, klaviatura, skaner qurilmalari orqali tasvir hosil qilishda tasvir jarayonini istagancha boshqarish mumkin.