1-Mavzu: Kompyuter grafikasi haqida tushuncha

1.2. Kompyuter grafikasining predmeti, mazmuni va vazifalari
Shaxsiy kompyuterlarda amalga oshiriladigan hozirgi zamon grafikasi tizimli iqtisodiy izlanishlarda, berilgan ma’lumotlarni tahlil qilishda, olingan natijalarni koʻrimli qilib koʻrsatishda va taqdimot (prezentasiya) uchun materiallar tayyorlashda va boshqa sohalarda koʻplab ishlatiladi.
Yuqoridagi sohalar boʻyicha bilim olish va amaliyotda tatbiq qilishda kompyuter grafikasi qoʻl keladi. Uning vazifalari quyidagicha:

1. 
   Talabalarda hozirgi zamon kompyuter grafikasi boʻyicha bilim negizini paydo qilish;
   
2. 
   Talabalarning hozirgi zamon kompyuter grafikasi vositalarini va ularning ishlatilishini oʻzlashtirishini ta’minlash;
   
3. 
   Iqtisodiy grafikaning texnologik tuzilishini va har xil namoyish materiallarini oʻrganish;
   
4. 
   Kompyuter grafikasi rivojining oʻrni va hozirgi zamon holotini bilish;
   
5. 
   Hozirgi zamon shaxsiy kompyuterlarida grafikaning texnologik tuzilishini oʻrganish;
   
6. 
   Hozirgi zamon kompyuter grafikasini oʻzining oʻquv sohasida va professional faoliyatida foydalanishni bilish;
   
7. 
   Kompyuter grafikasining texnikaviy vositalari va zamonaviy dasturlari bilan doimiy ishlash.
   

1.3. Zamonaviy shaxsiy kompyuterlar asosida elektron grafiklar qurishning asosiy elementlari va usullari
Grafikni tuzish va uni tushunish uchun grafika elementlari ma’nosi va ularni turli holotlarda qoʻshilishini oʻrganish zarur. Grafik yordamida tayyorlanadigan voqyeliklarni toʻgʻri tushunish uchun uni tashkil etuvchi hamma elementlarini toʻplami mavjud boʻlgandagina mumkin.
Tasvirlashning grafik usuli yoki grafik til - bu fikrni ifodalashning fazoviy tasvirlash, yoki qandaydir tekislikda shartli ravishda aks ettirish usullarining toʻplamidir. Grafik tasvirlashning namunalari-geometrik kartalar, iqtisodiy tahlilning diagrammalar tizimi, korxonlarning struktura sxemalari va boshqalar. Qandaydir fikrlar toʻplamini ifodalovchi chizmalarni tuzish jarayoni grafiklashtirish deyiladi, uning natijasi esa - grafika deyiladi. Grafika shartli ravishda voqyelikni yoki qandaydir jarayonni tasvirlaydi. Grafikada qoʻllaniladigan hamma belgilar - bu gʻoyalar belgisi, grafikning oʻzi esa yaxlit holotda gʻoyalar toʻplamini ifodalashdir.
Grafikada uning ikki xil elementi ajralib turadi: grafik qiyofa va ekslikasiya.