1-mavzu. Iqtisodiyot nazariyasi fanining predmeti va bilish usullari

Asosiy tayanch tushunchalar
Oʻtish davri – bir iqtisodiy tizimdan boshqasiga, mavjud iqtisodiy munosabatlardan 
butunlay boshqa, yangi iqtisodiy munosabatlarga oʻtish taqozo qilinadigan davrdir. 
Bozor islohotlari – bozor iqtisodiyotini va bozor munosabatlarini shakllantirishga 
qaratilgan chora-tadbirlar majmuidir. 
Iqtisodiy islohotlar – iqtisodiyotda tub oʻzgarishlarni amalga oshirishga qaratilgan 
tadbirlar majmui. 

---

Iqtisodiy uklad – turli mulkchilikka asoslangan xoʻjalik yuritishning shakllari va turlari. 
Iqtisodiyotni erkinlashtirish – nima va qancha ishlab chiqarishni qaerga, qanday bahoda 
sotishni tadbirkorning oʻzi belgilashi lozim. Iqtisodiyotning barcha sohalari va tarmoqlarini 
erkinlashtirish, xoʻjalik yurituvchi sub’ektlarning erkinligi va mustaqilligini ta’minlash, 
tadbirkorlik faoliyatini rivojlantirish uchun barcha shart-sharoitlarni yaratish demakdir. 
Islohotlar kontseptsiyasi – ijtimoiy–iqtisodiy islohotlarning asosiy maqsad va 
yoʻnalishlari, uni amalga oshirishning vazifalari va strategik yoʻllarining umumiy gʻoyasidir. 
Iqtisodiyotni barqarorlashtirish – tanglik holatlariga barham berish asosida 
makroiqtisodiy muvozanatlikni saqlash va ishlab chiqarishni yuksaltirish uchun shart-sharoitlarni 
vujudga keltirishdir. 
6-mavzu. BOZOR IQTISODIYOTIGA OʻTISH DAVRI VA UNING OʻZBEKISTONDAGI
XUSUSIYATLARI
Reja
1. Oʻtish davri iqtisodiyoti nazariyasi,uning belgilari, turlari va qonuniyatlari.
2. Oʻzbekiston bozor iqtisodiyotiga oʻtish yoʻllarining xususiyatlari va tamoyillari.
3. Oʻtish davrida Oʻzbekistonda bozor islohatlarning kontseptsiyasi va strategiyasi.
4. Bozor munosabatlariga oʻtish jarayonida Respublikada makroiqtisodiy
barqarorlikka erishish vazifalari.
1. Oʻtish davri iqtisodiyoti nazariyasi,uning belgilari, turlari va qonuniyatlari.
Bir itisodiy tizimdan bosha bir iqtisodiy tizimga oʻtish yoʻllari (modellari) xilma-xil 
boʻlib, ularning umumiy va xususiy tomonlari farqlanadi. 
Jahon tajribasida bozor iqtisodiyotiga oʻtishning barcha yoʻllari umumlashtirilib, 
quyidagi toʻrtta asosiy turga boʻlinadi: 
1) rivojlangan mamlakatlar yoʻli; 
2) rivojlanayotgan mamlakatlar yoʻli; 
3) sobiq sotsialistik mamlakatlar yoʻli; 
4) sotsializm gʻoyalarini samarali bozor iqtisodiyotini vujudga keltirish mexanizmi bilan 
qoʻshib olib borish yoʻli. 
Bu yoʻllar turli tuman va har xil boʻlishiga qaramay ularda umumiylik mavjuddir. 
Ularning umumiyligi shundaki, bu yoʻllarning hammasi bozor iqtisodiyotiga oʻtishni maqsad 
qilib qoʻyadi va mazkur iqtisodiyotning qonun-qoidalari, amal qilish mexanizmi koʻp jihatdan 
umumiy boʻladi. 
Jahon tajribasi koʻrsatishicha, bozor iqtisodiyotiga