1-mavzu. Iqtisodiyot nazariyasi fanining predmeti va bilish usullari

Ikkinchi bosqichda 
investitsiya faoliyatini kuchaytirish, chuqur tarkibiy oʻzgarishlarni 
amalga oshirish va shuning negizida iqtisodiy oʻsishni ta’minlab, bozor munosabatlarini toʻliq 
joriy qilish maqsad qilib qoʻyiladi. SHu maqsaddan kelib chiqib I.A.Karimov mazkur bosqichda 
amalga oshirilishi lozim boʻlgan quyidagi bir qator vazifalarni koʻrsatib berdi: - davlat mulklarini 
xususiylashtirish sohasida boshlangan ishni oxiriga yetkazish; - ishlab chiqarishning pasayishiga barham 
berish va makroiqtisodiy barqarorlikni 
ta’minlash; - milliy valyuta – soʻmni yanada mustahkamlash; - iqtisodiyotning tarkibiy tuzilishini tubdan 
oʻzgartirish, xomashyo yetkazib berishdan 
tayyor mahsulot ishlab chiqarishga oʻtish. 
3. Oʻtish davrida Oʻzbekistonda bozor islohatlarning kontseptsiyasi va
strategiyasi.
Iqtisodiy munosabatlar va tashkiliy-boshqaruv tuzilmalarining bir turidan butunlay 
boshqa yangi turiga oʻtish, iqtisodiy islohotlar strategiyasini ishlab chiqish va uning asosiy 
yoʻnalishlarini aniqlab olishni taqozo qiladi. 
Iqtisodiy islohotlar – iqtisodiyotda tub
oʻzgarishlarni amalga oshirishga qaratilgan iqtisodiy chora-tadbirlar majmui.
Respublikada iqtisodiy islohotlarni amalga oshirishning 
asosiy yoʻnalishlari
quyidagilardan iborat: - mulkiy munosabatlarni isloh qilish; - agrar islohotlar; - moliya-kredit va narx-
navo islohoti; - boshqarish tizimini isloh qilish va bozor infratuzilmasini yaratish; - tashqi iqtisodiy 
aloqalar islohoti; - ijtimoiy islohotlar. 
4. Bozor munosabatlariga oʻtish jarayonida Respublikada makroiqtisodiy
barqarorlikka erishish vazifalari.
2005-yil 28-yanvardagi Oʻzbekiston Respublikasi Oliy Majlisi Senati va 
Qonunchilik palatasining qoʻshma majlisi mamlakatimiz taraqqiyotida yangi tarixiy bir davrni boshlab 
berdi. Unda Birinchi Prezidentimiz jamiyatni demokratlashtirish va yangilash kontseptsiyasi, mamlakatni 
modernizatsiya va isloh etishning asosiy vazifalari toʻgʻrisida ma’ruza qilib, ushbu 
ma’ruza asosida «Jamiyatni demokratlashtirish va yangilash, mamlakatni isloh qilish hamda 
modernizatsiyalash maqsad va vazifalarini amalga oshirish Dasturi» qabul qilindi. Modernizatsiya – 
an’anaviy jamiyatning ilgʻor, industrial jihatdan taraqqiy etgan jamiyatga aylanishini ta’minlovchi 
ijtimoiy-tarixiy jarayon. Modernizatsiya jarayoni doirasida odatda quyidagi oʻzgarishlar roʻy beradi: 
1 
Каримов И.А. Ўзбекистон иқтисодий ислоҳотларни чуқурлаштириш йўлида. Т.: «Ўзбекистон», 1995, 19- 
бет.
1) ijtimoiy munosabatlar butun tizimining takomillashuvi va turmush tarzining oʻzgarishi 
– ixtiloflarni tartibga soluvchi hamda ijtimoiy muammolarni hal etuvchi yangi tartib va mexanizmlarning 
paydo boʻlishi; 2) alohida individlarning ongliligi va mustaqilligining oshishi; 3) iqtisodiyot sohasida – 
tovar-pul munosabatlarining eng yuqori darajada yoyilishi, yangi ilgʻor texnologiyalarning paydo boʻlishi, 
boshqaruvchilar va yollanma xodimlarning kasbiy ixtisoslashuvining yuqori darajasiga yetishi; 4) ijtimoiy 
munosabatlarning oʻzgarishi – immobil tabaqalashgan jamiyatdan dinamik, yuqori ijtimoiy 
harakatchanlik va ijtimoiy raqobatga asoslangan jamiyatga oʻtilishi. Umuman olganda, modernizatsiya 
juda keng tushuncha boʻlib, bugungi kunda uni jamiyat hayotining turli jabhalarini tubdan oʻzgartirish, 
yangilash, bu borada taraqqiyotni jahondagi mavjud ilgʻor andozalar tomon yoʻnaltirish va 
takomillashtirish jarayonlarining majmui sifatida ifodalash mumkin. 

---