1-Мавзу: “Электрон бизнес асослари” фанининг предмети ва билиш усуллари (2 соат)

Banner reklamalari
Bugungi kunga kelib, axborot-kommunikatsiya texnologiyalarining jadal rivojlanishi hayotimizning barcha jabhalariga asta-sekinlik bilan o‘z ta'sirini o‘tkazayotganligi hech kimga sir emas. Ayniqsa, global axborot tarmog‘i – Internet imkoniyatlarining kengayib borishi nafaqat undan foydalanuvchilar sonining ortishiga, balki bir qancha yangi yo‘nalishlar, yangi tushunchalarning paydo bo‘lishiga ham olib kelmoqda. Internet marketing ana shunday tushunchalar jumlasidandir.
Internet marketing - Internet tarmog‘i muhitida marketingni shakllantirish nazariyasi va usullarini o‘z ichiga oladi. Eng muhimi shundaki, bu o‘rinda marketingning ajralmas qismi hisoblangan reklama iste'molchilarni jalb etish usuligina bo‘lib qolmay, balki bo‘lajak xaridorlar bilan bevosita aloqa o‘rnatish imkonini maksimal darajada osonlashtiradi. Aynan shuning uchun ham, reklamaning faqat bir turi – internet reklamalaridan foydalanishning o‘zi yetarli bo‘ladi.
Internet reklama an'anaviy reklama usullardan farqli ravishda quyidagi afzalliklarga ega:
- namoyishlar soni va vaqti chegaralanmagan;
- reklama bennerini ishlab chiqish yoki o‘zgartirish vaqti nisbatan qisqa;
- istalgan badiiy va audiovizual elementlardan foydalanish;
- tayyor bannerlarni joylashtirish uchun qo‘shimcha vaqt va mablag‘ talab etilmaydi;
- tanlangan iste'molchilar guruhiga murajaat qilish;
- reklama ta'sirini tez va aniq baholash;
- bir vaqtning o‘zida ichki va tashqi bozorga chiqish.
Internet reklamasining o’ziga xosligi bu mobil marketing vositalardan foydalanish, ya’ni MMS, SMS marketing, IVR, JAVA o’yinlar hamda mobil kontektlar orqali amalga oshirilishidir.
Internet reklamasi internet texnologiyasini qo’llanishiga qarab tekstli, matnli va intermediyalikga bo’linadi.
Matnli reklama - elektron pochta orqali hamda FTP – xabarnomalari asosida amalga oshiriladi.
Gipermediyali reklama esa, nafaqat matn, balki ovoz, tasvir hamda animatsiyaga ega bo’lib, banner ko’rinishda amalga oshiriladi.