81
chiqarishni tashkil qilish, rejalashtirish, moliyalashtirish, tahlil, menejment va
b.) o‘rganishga mansub hisoblanadi.
Loyihaning investitsiyadan oldingi bosqichida bo‘lajak loyihalashtirish
ob‘ektining imkoniyatlari o‘ganiladi, korxona (firma-investor, loyiha
tashkilotchisi) investitsiyalar haqida dastlabki qaror qabul qiladi va rahbarni
(qurilayotgan ob‘ekt direktori, boshqaruvchisini) tanlaydi (tayinlaydi). Loyihani
amalga oshirishning turli variantlarini o‘rganish va tahlil qilish, uni texnik-
iqtisodiy asoslash va samaradorligini baholash korxonaning o‘z kuchlari bilan
ham, ixtisoslashgan muassasalar, masalan, loyiha, arxitektura, qurilish-maslahat
tashkilotlari va hokazolar tomonidan amalga oshirilishi mumkin.
Loyihaning dastlabki bosqichlarida kelajakda vujudga kelishi mumkin
bo‘lgan risk va noaniqliklarni oldindan ko‘ra bilish, belgilangan natijalarga
erishishning eng tejamkor yo‘larini topish, loyiha samaradorligini baholash va
uning biznes-rejasini ishlab chiqish muhim ahamiyat kasb etadi. Bunda o‘zini
vaqtida to‘xtatib qolish tamoyiliga amal qilish zarur, ya‘ni muvaffaqiyatsiz
loyihadan investitsiyalar sarflanib bo‘lib, natija kutilganday chiqmagan holatni
kutib o‘tirmasdan loyihaning boshidayoq voz kechish maqsadga muvofiq
bo‘lishi mumkin.
Investitsiya loyihasini oldindan baholash uni amalga oshirishning texnik
imkoniyatlarini ko‘rsatishi lozim. Buning uchun quyidagi ma‘lumotlardan
foydalaniladi:
investitsiya loyihasini talab qilingan tavsifnomlarga ega zarur asbob-
uskunalar (stanoklar, mashinalar va hokazolar) bilan ta‘minlash yoki buning
texnik imkoniyati;
loyiha malga oshirilayotgan va unga yaqin hududlarda infratuzilma –
ishlab chiqarish sharoitlarini ta‘minlovchi ishlab chiqarish va noishlab chiqarish
nalichie tarmoqlari majmuining (yo‘llar, aloqa, energiya ta‘minoti, transport,
ta‘lim, sog‘liqni saqlash) mavjudligi;
loyiha amalga oshiriladigan tumanga alohida talablar – iqlim, suv va
boshqa resurslar mavjudligi, erga egalik huquqi va hokazolar;
xodimlar malakasi – boshqaruv personali, mutaxassislar va texnik
ijrochilar, ishchilar.
Ushbu bosqichda mashina va asbob-uskunlar ta‘minotchilaridan olingan
takliflar tahlil qilinadi, ularning texnik tavsifnomalari, etkazib berish shartlari va
qiymati haqidagi axborotlar umumlashtiriladi. Texnologiyalar va asbob-
uskunlarni qo‘llash bo‘yicha strategiyalarni oldindan ishlab chiqish va
marketing tadqiqotlari natijalarini hisobga olgan holda, bo‘lajak mahsulotni
ishlab chiqarish va sotish hajmi, uni ishlab chiqarish va sotish xarajatlarini
hisob-kitob qilish ishlari bajariladi, investitsiyalar hajmi belgilanib, marketing
strategiyasi ishlab chiqiladi, loyihani amalga oshirishning muqobil variantlari
bashorat qilinadi, uning samaradorlik va risk darjasi baholanadi, imitatsion tahlil
usullaridan foydalaniladi.
Do'stlaringiz bilan baham: