1 Мавзу: «Бозор инфратузилмаси иктисодиёти» фанининг предмети ва вазифалари

11-Mavzu: Ijtimoiy infratuzilma va uning aholi turmush farovonligini oshirishdagi 
o„rni. 
                                    Reja: 
1. Ijtimoiy infratuzilmaning mohiyati va ahamiyati. 
2. Ijtimoiiy infratuzilmaning tarkibiy tuzilishi. 
3.  Mamlakatimizda  ijtimoiy  infratuzilmani  rivojlantirish  borasida  amalga  oshirilayotgan 
islohotlar. 
 
 
1. Ijtimoiy infratuzilmaning mohiyati va ahamiyati. 
 
Ijtimoiy  infratuzilma  aholining  turmush  farovonligini  oshirish,  ishchilarning  mehnat 
sharoitini  yaxshilashga  xizmat  qiluvchi  sohalar  majmuasidir.  Ijtimoiy  infratuzilma  muhim 
ijtimoiy  vazifalarni  hal  etar  ekan,  jamiyat  a‘zolarining  ehtiyojlari  qondirilishini  ta‘minlaydi, 
mamlakat iqtisodiy yuksalishi uchun sharoit yaratadi, ayni vaqtda ishlab chiqarish samaradorligi 
o‗sishiga  bevosita  ta‘sir  ko‗rsatadi.  Infratuzilmaning  rivojlanishi  iqtisodiyot  real  sektori  bilan 
bevosita bog‗langanki, u mazkur tuzilmaning holati va o‗sish sur‘atlarini shakllantiradi. 
Ijtimoiy turmushga ta‘sir o‗tkazuvchi infratuzilmaning asosiy jihatlariga quyidagilar kiradi: 

  ishlab chiqaruvchi kuchlarni oqilona joylashtirish; 

  aholi mehnat faolligi ko‗lamini kengaytirish; 

  mehnat resurslari safarbarligini tartibga solish; 

 
bo‗sh  vaqt  fondini  boyitish  va  undan  foydalanish  shart-sharoitlarini  yaxshilash  uchun 
imkoniyat yaratish; 

 
ish kuchini takror yetishtirishga ta‘sir etish. 
Ijtimoiy  infratuzilma  murakkab  tizimdan  iborat  bo‗lib,  unda  barcha  unsurlar  o‗zaro 
bog‗langan  bo‘ladi,  ulardan  birining  rivojlanishdan  ortda  qolishi  boshqalaridan  samarasiz 
foydalanilishiga sabab bo‗ladi. Shu boisdan mintaqa ijtimoiy infratuzilmasining majmua tarzida 
rivojlanishini ta‘minlash muhim vazifadir.