1-мавзу. Боғловчи моддалар р е ж а

11-мавзу Гидравлик боғловчи моддалар (Портландцемент
ишлаб чиқариш усуллари)
Р Е Ж А
1.Портландцемент ишлаб чиқариш усуллари
2. Ҳўл усул
3. Қуруқ усул
4.Аралаш усул
Таянч сўз ва атамалар: Хомашёни қазиб олиш, майдалаш, куйдириш, қуруқ усул, ҳўл усул, аралаш усул, майдалагич, шлам, шламбассейн, гомогенлаш, технология, айланма печ, қўшимчалар, туйиш, марка, омбор.
Ишлаб чиқариш усуллари
Портландцемент ишлаб чиқариш икки мустақил жараенга бўлинади:

1. 
   Клинкер ишлаб чиқариш
   
2. 
   Клинкерни қўшилмалар билан бирга туйиш
   

Биринчи жараен жуда мураккаб бўлиб, унинг бажарилиши катта капитал ва эксплуатацион харажатлар билан боғлиқ. Чунки портландцемент ишлаб чиқариш учун сарфланадиган жами харажатнинг кўп қисми (70…80%) клинкер қиймати ташкил этади.
Портландцемент клинкери ишлаб чиқаришда қуйидаги асосий технологик операциялар бажарилади:

1. 
   Охактош ва гил қазиб олинади;
   
2. 
   Хом ашё материаллари тайерланади ва майдаланилади;
   
3. 
   Ёқилғи тайерланади;
   
4. 
   Хом ашё материаллари куйдирилади.
   

Клинкерни туйиш ва портландцемент ишлаб чиқариш учун асосан куйидаги технологик жараенлар бажарилади:

1. 
   Қўшилмалар тайерланади;
   
2. 
   Клинкер қўшилмалар билан бирга туйилади;
   
3. 
   Портландцемент омборга жойланади.
   

Барча технологик жараёнлар лозим булган таркибли ва сифатли клинкер олишни таъминлашга қаратилган. Хом — ашёвий аралашмани тайёрлаш белгиланган нисбатдаги компонентларни майдалаб туйиш ва аралаштиришда шундан иборатки, бу компонентлар ўртасида юз берадиган реакцияларни тўлиғини амалга ошишини ва клинкернинг бир жинсли бўлишини таъминлайди. Хом — ашёвий аралашма қуруқ, хўл ва чатиштирилган усуллар билан чала қуруқ қилиб тайёрланади. Энг кенг тарқалган хўл усул хом — ашёвий моддаларни туйиш ва уларни гомогенлашнинг соддалиги билан диққатни жалб этади. Бундан ташкари, бу усулда хизматчи ходимларнинг ишлашлари учун энг яхши санитар — гигиеник шароитлар яратилади. Бироқ бу усул катта қувват сарфини талаб қилмайди. Қуруқ усул хўл усулга нисбатан катта қувват сарфини талаб қилмайди ва нисбатан катта устунликка эга — куйдиришда иссиқлик сарфи 40% гача камаяди. Технологиясининг мураккаблиги хамда кўп технологик асбоб-ускуналар талаб қилиниши бу усулнинг камчилиги хисобланади. Бирок техник — иқтисодий кўрсаткичлар мажмуасига кўра клинкер ишлаб чиқаришнинг қуруқ усули хўл усулга нисбатан тежамлироқдир. Шу сабабли мамлакатимизда бу усул анча кенг қўлланилади.