1-Mavzu: Axborot kutubxona resurslari asosida ma’lumot axborot xizmati koʻrsatish. Reja

Foydalanilgan adabiyotlar ro‘yxati.
1. .Karimov U. F., Rahmatullayev M. A. Elektron kutubxona: yaratish texnologiyasi va resurslaridan foydalanish , U. F. Karimov, M. A. Rahmatullayev; mas'ul muharrir A. O. Umarov .- Toshkent.: Alisher Navoiy nomidagi O’zbekiston Milliy kutubxonasi nashriyoti.- 2010.- 136 b.
2. Karimov U. F., Rahmatullayev M. A., Islomova H. E. Korporativ elektron kutubxona: yaratish texnologiyasi ma'lumotlar bazasini shakllantirish , U. F. Karimov, M. A. Rahmatullayev, H. E. Islomova; masul muharrir A. O. Umarov .- Toshkent.: Alisher Navoiy nomidagi O’zbekiston Milliy kutubxonasi nashriyoti.- 2010.- 78 b.
3. Alimova A.M. Kutubxonashunoslik. Uslubiy qo’llanma 1-qism.- Toshkent.:2008.-130 b.
4. Rahmatullayev M. A., Karimov U. F., Islomova H. E. Korporativ axborotresurs markazlarining avtomatlashtirilgan tizimi elektron katalogi ma'lumotlar bazasini shakllantirish. Uslubiy qo’llanma.-Toshkent.:2012.-112 b.


Internet saytlari.

http:edu.uz, -O’zbekiston Respublikasi Oliy va O’rta maxsus ta’lim vazirligi

http:centr.markaz.uz, - O’rta maxsus kasb-xunar ta’limi markazi
http:tuit.uz, - Toshkent Axborot Texnologiyalari universiteti
http:eduportal.uz, - O’zbekiston Respublikasi Xalq ta’limi vazirligining axborot-ta’lim portali
http:cdlib.org, - Kaliforniya elektron kutubxonasi
http:lib.uchicago.edu,- Chikago Universiteti kutubxonasi
2-Mavzu: Ma’lumot axborot xizmati koʻrsatish turlari va usullari.


Reja:
1. Axborot xizmatlari.
2. Axborot xizmatining huquqiy asoslari.
3. Axborot xizmatining nazariy asoslari.

Axborot xizmatining asosiy vazifalaridan biri – tashkilotning jamoatchilik bilan aloqalarini rivojlantirishdan iborat ekan, bunda ommaviy axborot vositalarining davlat hokimiyati va boshqaruv organlari faoliyati ustidan jamoatchilik hamda parlament nazoratini ta’minlash, davlat va jamoatchilik oʻrtasida mustahkam aloqa oʻrnatish masalalariga alohida e’tibor qaratiladi. Yurtimizda OAVning samarali faoliyat koʻrsatishi uchun zarur sharoit va imkoniyatlarni yaratish, fuqarolarning axborotni erkin va moneliksiz olish hamda foydalanish huquqlarini amalga oshirish, axborotning muhofaza qilinishi, shaxs, jamiyat va davlatning axborot borasidagi xavfsizligini ta’minlash yuzasidan keng qamrovli ishlar amalga oshirilmoqda. Sohadagi izchil islohotlar jarayonida davlat hokimiyati va boshqaruvi organlari, barcha vazirlik va idoralar, jamoat tashkilotlarida axborot xizmatlari tashkil etilib, ular faoliyati davr talabi asosida yoʻlga qoʻyilmoqda.

Turli idora va tashkilotlar tomonidan muntazam ravishda dolzarb mavzularda matbuot konferensiyalari, brifinglar oʻtkazilishi, bunda jamoatchilik bilan muloqotning interfaol usullaridan keng foydalanish, tegishli ma’lumotlarning maxsus veb-saytlarda joylashtirilishi aholining axborot olishga boʻlgan ehtiyojini qondirishga xizmat qilmoqda. Ayni paytda bu yoʻnalishdagi ishlarni yanada samarali tashkil etish, davlat va jamoat birlashmalari axborot xizmatlari, media-tuzilmalar ishini faollashtirish, soha mutaxassislarining bilim va koʻnikmalarini muttasil oshirib borish dolzarb ahamiyatga ega.
Axborot xizmatlarida asosan shu soha siru-sinoatlaridan boxabar jurnalistlar faoliyat koʻrsatishadi. Ular ham OAV xodimlari kabi asosan axborot toʻplash va tarqatish bilan shugʻullanadi. Axborot xizmati xodimi oʻqimishli boʻlishi zarur. Ya’ni, aytmoqchi, yozmoqchi boʻlgan har bir fikrini avvalo ishonchli manbalardan oʻqib-oʻrganishi maqsadga muvofiqdir.
Axborot xizmatida faoliyat koʻrsatuvchi mas’ul xodim qaysiki mavzuda soʻz yuritmasin avvalo uning quyidagi uchta muhim asosi hisoblanmish ishonchli manbalarni oʻz koʻzi bilan oʻqib koʻrmogʻi lozim:

1. 
   Metodologik asosi (Oʻzbekiston Respublikasi Prezidenti asarlari va nutqlarida bayon etilgan fikrlar);
   
2. 
   Huquqiy asosi (Oʻzbekiston Respublikasi qonunlari, Prezident farmonlari va qarorlari, Vazirlar Mahkamasi qarorlari hamda boshqa me’yoriy hujjatlarda bayon etilgan fikrlar);
   
3. 
   Nazariy asosi (ilmiy asoslangan kitoblar, darsliklar, qoʻllanmalar, maqolalar va boshqa yozma manbalarda bayon etilgan fikrlar).
   

Ushbu manbalarni oʻqimasdan gapirgan mas’ul xodim xatolikka yoʻl qoʻyishi hech gapmas. Tashkilot rahbari nomidan gapirishga haqli boʻlgan Axborot xizmati rahbari xatolikka yoʻl qoʻyishi kechirilmas holdir. U oʻsha asossiz, xato gapi bilan tashkilotning obroʻsiga putur yetkazadi