1-Мавзу: Ахборот тизимларининг инструментал воситаларига кириш. Режа

1.1.1. Автоматлаштирилган тизимлар архитектурасига бўлган талаблар
Автоматлаштирилган тизимлар архитектураси - бу абстракт тушунча бўлиб, тизим компонентларини идеаллаштирилган моделини ва компонентлар орасидаги ўзаро алоқа моделини ўз таркибига олади.
Автоматлаштирилган тизимларнинг архитектураси элементлари сифатида датчиклар модели, киртиш-чиқариш қурилмалари, ўлчовчи ўзгартиргичлар, ДМК, компьютерлар, интерфейслар, протоколлар, саноат тармоқлари, бажарувчи қурилмалари, драйверлар, ахборотни узатиш каналларини айтиш мумкин.
Архитекторга қўйиладиган асосий талаб шуки, соҳа бўйича билимга эга бўлиш, аппарат ва дастурий воситаларнинг техник характеристикаларини билиши зарур.
1.1.2. Оддий тизим
1.1-расмда датчиклар битта кўп каналли ўлчовчи ўзгартиргичга уланган. Лекин, турли типдаги датчиклар турли типдаги ўзгартиргичларни талаб этиши ёки улар ёрдамисиз ишлаши мумкин. Баъзи типдаги интеллектуал датчиклар RS-485 интерфейсига эга ва бевосита компьютер ёки контроллерлрга уланиши мумкин. Масалан НИЛ АП фирмасининг NL-1S серияли датчиклари.
Оддий офис компьютерларининг стандарт конфигурациясида иккита USB порт, битта СОМ-порт, битта LPT принтер порти ва Ethernet порти мавжуд. USB портлар сонини USB хаблар ёрдамида, COM-портлар сонини эса USB дан COM га ўзгартиргичлар ёрдамида ошириш мумкин. Саноат компьютерлари ва контроллерлар одатда бир нечта RS-485, RS-422 ва оптик толали портларни ўз ичига олади. Оптик каналани компьютерга улаш учун, унга оптик толали интерфейс ўзгартирувчини улаш мумкин. Барча санаб ўтилган портларни компьютерга ташқи қурилмалар билан ахборот алмашиниш учун қўллаш мумкин (1.2-расм).

1.2-расм. Киртиш-чиқариш қурилмаларининг компьютер портларига уланиши.

Алоқа линияси орқали сигнални узатиш узунлигини 1,2 км га ошириш учун RS-232, RS-485 ёки RS-422 интерфейсли ўзгартиргичларни ишлатиш мумкин.

Агар компьютерга яна бир қурилмани улаш учун бўш порт қолмаган бўлса, унда хаб қурилмасидан фойдаланиб портлар сонини ошириш мумкин. USB дан RS-232га ўзгартиргични ишлатиб RS‑232 интерфейсига эга қурилмани USB портига улаш имкони мавжуд.
Компьютерга фақат махсус киритиш-чиқариш модулларини эмас, балки бошқа кўплаб ўлчов асбобларини ҳам улаш мумкин. Масалан, RS-232 интерфейсига эга бўлган HP 34401A вольтметр ва COM-технологияни қўллаб қувватловчи НИЛ АП фирмасининг RL232man СОМ-объекти.