1-Мавзу: Ахборот тизимларининг инструментал воситаларига кириш. Режа

1-расм. IDEF0 стандартида деталь йўниш жараёнининг чизмаси

RAD методологияси

Компьютерли ахборот тизимларини ишлаб чиқишнинг бошланғич босқичида анъанавий дастурлаш тилларидан фойдаланилган. Бироқ тизимларнинг ривожланиши ва фойдаланувчиларнинг унга бўлган талабларини ўсиши уларни тез муддатда ишлаб чиқишнинг янги воситаларини яратилишига сабаб бўлди.
Ушбу йўналишнинг ривожланиши билан ахборот тизимлари ҳаётий даврининг барча босқичларини автоматлаштириш воситалари яратилилди.

RAD методологиясининг асосий хусусияти

Ахборот тизимларини яратиш методологияси иловаларни тезкор ишлаб чиқиш воситаларига асосланган. У охирги вақтларда кенг қўлланилиб келинмоқда ҳамда иловаларни тезкор ишлаб чиқиш методологияси номини олди (Rapid Application Development, RAD). Ушбу методология замонавий ахборот тизимлари ҳаётий даврининг барча босқичларини қамраб олган.
RAD методологияси – бу махсус инструментал воситалар мажмуаси бўлиб, тизим боғлиқликларини алоҳида акс эттирадиган график объектлар тўплами билан иш кўради.
Иловаларни тезкор ишлаб чиқиш методологияси деганда ахборот тизимларини яратиш жараёнлари тушунилади ва улар қуйидаги 3 та асосий элементлар асосида ишлаб чиқилади:

• 
  дастурчиларнинг унча катта бўлмаган гуруҳлари (одатда 2 тадан 10 тагача);
  
• 
  белгиланган график асосида ва қисқа муддатларда ишнинг мукаммал ишлаб чиқилиши (2 ойдан 6 ойгача);
  
• 
  ишлаб чиқишда буюртмачи билан қатъий боғлиқлик ўрнатиш ва шу асосида итерацион моделни қўллаш.
  

RAD методологиясининг асосий принциплари сифатида қуйидагиларни келтириш мумкин:

• 
  ишлаб чиқишнинг итерацион (спиралли) модели ишлатилади;
  
• 
  ҳаётий даврнинг ҳар бир босқичида ишнинг тўлиқ тугаши шарт эмас;
  
• 
  ахборот тизимларини яратиш жараёнида буюртмачи ва бўлажак фойдаланувчилар билан қатъий боғлиқлик ўрнатилиши таъминланади;
  
• 
  CASE-воситалар ва иловаларни тезкор ишлаб чиқиш воситалари ишлатилади;
  
• 
  лойиҳага ўзгартиришлар киритишни енгиллаштириш ва тайёр тизимларни кузатиш учун конфигурацияни бошқариш воситалари қўлланилади;
  
• 
  фойдаланувчиларнинг талабларини қондириш учун прототиплар ишлатилади;
  
• 
  лойиҳани тестлаш ва ривожлантириш уни ишлаб чиқиш билан биргаликда амалга оширилади;
  
• 
  дастурларни ишлаб чиқиш унча катта бўлмаган профессионал гуруҳлар томонидан олиб борилади;