|
6-маъруза
Янги авлод конвергент тармоқларининг мультимедиали хизматлари
Режа:
6.1.Алоқатармоқларининг таснифлари (классификацияси);
6.2.Алоқа хизматлари бозорини ривожлантиришнинг замонавий тенденциялари;
6.3.Янги хизматларни жорий қилиш (киритиш) зарурати;
6.4.Янги авлод конвергент тармоқларининг хизматлари таснифи
6.5.Янги авлод конвергент тармоқларининг хизматлари таснифи
(классификацияси);
6.6.Мультимедиали хизматларнинг турлари, тақдим этиш ва ишлаш тамойиллари.
6.1.Алоқа хизматларининг таснифлари (классификацияси)
Алоқа хизматларини тақдим этиш жараёнини расмийлаштириш соҳасида асосий ҳисобланувчи TMF (TeleManagement Forum) халқаро ташкилот томонидан product (махсулот)ва service иккита тушунча билан фарқланиш доирасида хизматлар таснифига ёндашиш аниқланган.
Амалиётда алоқа операторларида юзага келган мураккабликлардан келиб чиққан ҳолда алоқа хизмати деганда клиентга алоқа оператори томонидан тақдим этиладиган махсулот, тармоқ сервиси (тармоқ хизмати) деганда эса алоқа хизматлари (махсулотлари)ни техник қўллаш мумкин бўлган имкониятлар мажмуаси тушунилади.
Алоқа хизматларини (махсулотларини) тақдим этиш ҳар доим ўзига тармоқ сервисини бириктиради. Бундай ёндашиш алоқа хизматларига ва тармоқ сервисига бўлган талабларни аниқ чегаралаш имконини беради ва бунда NGN хизматларининг мураккаб таркибий тузилишини ҳисобга олиш лозим.
Алоқа хизматлари (махсулотлари) ва тармоқ сервиси (хизмати) учун, ахборотли тизимларни қуриш ва ўзаро боғланишнинг универсал ҳисобланувчи етти сатхли OSI моделини қўллаш мақсадга мувофиқдир.
Кўп сатхли тасниф (классификация) одатдаги алоқа хизматлари ва тармоқ сервисига боғлиқ ҳолда акс этади. Шундай қилиб, OSI модели сатхи билан боғлиқ бўлган таснифни, “алоқа хизмати” ва “тармоқ сервиси” тушунчасини инобатга олган ҳолда NGN хизматларини тақдим этиш жараёнида мўлжал сифатида қўллаш мумкин.
Операторлар томонидан тақдим этиладиган барча алоқа хизматларини икки турга бўлиш мумкин: базавий ва қўшимча. Базавий хизматлар лицензияланган, қўшимча хизматлар эса лицензияланмаган ҳисобланади.
Бундай таркибга қуйидаги хизматлар киради:
1. Таксафонларни қўллашга эга бўлган маҳаллий телефон алоқаси хизматларисиз ва коллектив кириш воситаларисиз, маҳаллий телефон алоқаси хизмати.
2. Шаҳарлараро ва халқаро телефон алоқаси хизматлари.
3. Ажратилган алоқа тармоқларида телефон алоқаси хизматлари.
4. Зона ичи телефон алоқаси хизматлари.
5. Таксофонларни қўллашга эга бўлган маҳаллий телефон алоқаси хизматлари.
6. Коллектив кириш воситаларини қўллашга эга бўлган маҳаллий телефон алоқаси хизматлари.
7. Телеграф алоқаси хизматлари.
8. Шахсий радиочақириқ алоқа хизматлари.
9.Умумий фойдаланувчи алоқа тармоқларида ҳаракатланувчи радиоалоқа хизматлари.
10.Ажратилган алоқа тармоқларида ҳаракатланувчи радиоалоқа хизматлари.
11.Умумий фойдаланувчи алоқа тармоқларида ҳаракатдаги радиотелефон алоқаси хизматлари.
12. Ҳаракатдаги фазовий радиоалоқа хизматлари.
13. Алоқа каналларини тақдим этиш бўйича алоқа хизматлари.
14.Овозли ахборотларни узатишдан ташқари, маълумотларни узатиш тармоқларидаги алоқа хизматлари.
15. Маълумотларни узатиш тармоқларидаги хизматлар.
16. Телематик алоқа хизматлари.
17. Кабел орқали эшиттириладиган алоқа хизматлари.
18. Эфир орқали эшиттириш мақсадида қўлланиладиган алоқа хизматлари.
19. Симли радио эшиттириш алоқа хизматлари.
20. Почта алоқаси хизматлари.
Қўшимча хизматлар ўз ўзидан тақдим этилмайди, улар асосий хизматлар билан биргаликда қўлланилади ва хизматларни қўллаш имкониятларини шунингдек қулайликларини оширади. Масалан, телефон алоқасида қўшимча хизмат кўрсатиш турларига манзилни ўзгартириш (переадресация), огохлантириш, кутишга қўйиш ва бошқалар киради.
Хизматларга кўмаклашиш соҳасидаги фаолиятни амалга ошириш учун лицензияга киритилган, келтирилган алоқа хизматлари номларининг рўйхати, маълумотларни узатиш тармоқларида овозли маълумотларни узатиш алоқа хизматидан ташқари конвергент хизматлардан иборат эмас. Ана шунга боғлиқ ҳолда масалан, triple play хизматлари алоқа операторидан бир қанча лицензияларни олишни талаб этади.
Do'stlaringiz bilan baham: |
