1-ma’ruza «Elektr jixozlariga texnik xizmat koʻrsatish» faniga kirish. Reja

Elektr jixozlarning texnik ishlatish sharoitlari
Mavjud nokulayliklar va sharoitlar elektr jixozlarning texnik ishlatilishiga alohida e’tibor berilishini talab qiladi. Elektr jixozlarning yetarli ekspluatatsion ishonchliligini saqlab turish uchun profilaktik va operativ texnik qarov va ta’mirlarni o’z vaqtida sifatli qilib o’tkazish kerak. Lekin bu tadbirlarni turli sharoitda amalga oshirish ma’lum qiyinchiliklarni tug’diradi. Barcha elektr jixozlari kichik maydonda kompakt joylashgan sanoatdagidan farq qilib, elektr iste’molchilar juda tarqoq joylashgan va hilma xilligi bilan ajralib turadi. Bundan tashqari ular turli muhit sharoitida va turlicha yuklanish rejimida ishlaydi. Bu esa rejali texnik qarov va ta’mir tadbirlarini bir xil vaqtda o’tkazishni qiyinlashtiradi. Grafikni murakkablashtiradi va uni bajarishni qiyinlashtiradi.
Elektr jixozlarda texnik qarov va ta’mir muddatlari elektr jixozlar joylashgan atrof muhit sharoitiga, elektr jihozlar tipiga, sutka va yil davomidagi yuklanish rejimiga, ish rejimlariga bog’liq. Turli sharoitlarda ishlayotgan jixozlarda bir xil muddatlarda profilaktik tadbirlar o’tkazish, texnik xizmat ko’rsatish va ta’mir grafigini smena va oy yoki kvartal davomida tekis rejalashtirish murakkab bo’lib, elektr montyorlarning ish unumdorligini pasaytiradi. Operativ xizmat ko’rsatish tadbirlarini o’tkazishni qiyinlashtiradi. Elektr jixozlarning to’xtab qolishlarini o’z vaqtida oldini olish uchun har bir xo’jalikda yoki ob’ektda navbatchi elektromontyor bo’lishi kerak, bu holda ularning bandligi pasayib ketadi. Demak, har bir elektromontyor bir necha ob’ektga xizmat ko’rsatish zarur. Bu holda elektromontyorlar transport va aloqa vositalari bilan ta’minlanish kerak. Elektr jixozlarning hilma xilligi texnik xizmat va ta’mir bazasida ko’plab texnik vositalar, asboblar va extiyot qismlar bo’lishini talab qiladi. Kichik xo’jaliklarda esa servis xizmati vositalarini samarasiz ishlatilishiga olib keladi, oqibatda elektr jixozlar samaradorligi pasayadi. Demak, texnik ishlatish samaradorligini pasaytiruvchi ob’ektiv sharoitlar mavjud ekan. Elektromontyorlar turli xil funktsional vazifalarni bajarishiga to’g’ri keladi, yo’l, transport vositalari, ehtiyot qismlar yetarli emas. Bu esa elektrotexnik xizmat xodimlari malakasiga va texnik qurollanishiga yanada yuqoriroq talablar qo’yadi.