Maishiy jihozlar bizning yordamchilarimiz

Mashg `ulotning mavzusi: ”Maishiy jihozlar – bizning yordamchilarimiz”.

Mashg`ulotning maqsadlari:

Ta’limiy:

bolalarga maishiy jihozlar haqida ma’lumot berish; ular haqidagi bilimlarini boyitish.

Tarbiyaviy:

Tarbiyalanuvchilarga maishiy jihozlar bilan ehtiyotkorona munosabatda bo’lish ; elektr quvvatidan kattalar nazoratisiz foydalanmaslikka o’rgatish.

Rivojlantiruvchi:

Bolalar so’z boyligini oshirish , topqirlik ko’nikmasini shakllantirish ; eshitish qobilyatini rivojlantirish.

Kerakli jihozlar:

mavzuga mos rasmlar to’plami, oq qog’oz, rangli qog’ozlar, kley ,qaychi.

Mashg’ulotning borishi:

Til va nutq markazida:

- Bolajonlar , hozir men sizga topishmoqlar aytaman diqqat bilan tinglang va topishga harakat qiling.

Tashqari yoz d im – olov

Uychamizda muz qirov. ( muzlatgich)

Qizigan bir kemam bor

To’xtovsiz borib kelar

Borib kelgani sari

To’lqinlarni tekslar. (dazmol)

Tagida taglik boshida qalpoq

Qalpoq tagidan mo’ralab chiqar. (stol lampasi)

Katta quti ko’zi bor

Ko’p tomosha so’zi bor

Radio desam , radio emas

Kino desam , kino emas. (televizor)

-Bu jihozlarning barchasi maishiy texnika vositalari hisoblanadi. Ular insonlarni yumushlarini yengillashtiradi. Yana qanday maishiy jihozlarni bilamiz ?

-Changyutgich , kir yuvish mashinasi , kompyuter , musiqiy markaz , gaz pechi , mikroto’lqinli pech , elektr go’sht qiymalagich , mikser , blender .

- Maishiy texnika vositalari vazifalarini o’rganamiz.

-Elektr quvvatisiz birorta maishiy jihozlar ishlamaydi , shuning uchun ularni xavsizlik qoidalariga rioya etgan holda ishlatishimiz kerak .

1-qoida. Elektr rezetkalariga qo’lingiz va biror narsa solmang.

2-qoida. Ho’l qo’lingiz bilan maishiy jihozlarni yoqib ,o’chirmang.

3-qoida. Kattalar nazoratisiz maishiy jihozlarni yoqib ,o’chirmang.

4-qoida. Maishiy jihozlarni yoqib qoldirmang.

5-qoida.Bir nechta maishiy jihozlarni bir rezetkaga ulamang.

Didaktik o’yin “Maishiy jihozlarni ajrating”.

Maishiy jihozlarni sovitish vazifasini bajarivchi turlari: muzlatgich,havo sovitgich .

isitish vazifasini bajarivchi turlari:dazmol , mikroto’lqinli pech kabi turlarga ajratib ularni davom ettiramiz.

San’at markazida:

Endi bolajonlar, diqqat bilan kuzatib stol lampasini applikatsiya ish bilan tayyorlaymiz va o’rganamiz.