1-лаборатория иши

1-AMALIY MASHG’ULOT
TO’QIMACHILIK TOLALARINING SINFLANISHI
Ishning maqsadi:
To’qimachilik tolalarini sinflarga ajratish bilan bog’liq bo’lgan hamma tushunchalarni talabalarga o’rgatish.
Topshiriqlar:
1.To’qimachilik tolalarni namunalari bilan tanishilsin;
2.To’qimachilik tolalarini sinflarga ajratish jadvali tuzilsin;
3.To’qimachilik tolalariga oid bo’lgan ta`rif va atamalar yozilsin;
-to’qimachilik tola;
-elementar tola;
-butun (kompleks) tola;
-tabiiy tola;
-kimyoviy tola;
-sun`iy tola;
-sintetik tola.


To’qimachilik tolalarga oid bo’lgan ta’rif va qoidalar
To’qimachilik materialshunosligi fani to’qimachilik mate­riallarining olinishi, tuzilishi, hususiyatlarini va sifatini aniqlashni o’rgatadigan fandir.
To’qimachilik materiallariga to’qimachilik tolalari, iplari va tayyor mahsulotlar kiradi.
To’qimachilik materialshunosligi fani uchta qismdan iborat. Birinchi qismda to’qimachilik tolalari va iplarning olinishi, ikkinchi qismda to’qimachilik tola, iplarning tuzilishini, xususiyatlarini aniqlaydigan uslublar va asboblar beriladi.
Uchinchi qismda tayyor mahsulotlarning tuzilishini, xususiyatlarini aniqlaydigan uslublar va asboblarning tuzilishi beriladi.
Birinchi qismda ishlatiladigan tolalarga oid atamalarning ta’rifi standartga muvofiq (GOST 13784-70) quyidagicha izohlanadi.
To’qimachilik tolasi deb, to’qimachilik mahsulotlarini ishlab chiqarishga yaraydigan, chegaralangan uzunlikdagi, yumshoq, ingichka va mustahkam jismga aytiladi.
Elementar tola – uzunligi bo’yicha bo’linmaydigan yakka tolaga aytiladi.
Kompleks(texnik) tola – uzunligi bo’yicha bir qancha elementar tolalarning birikishiga aytiladi.
Tabiiy tolalar – tabiatdan (o’simliklardan, jonivorlardan va ma’danlardan) olingan tolalar.
Kimyoviy tolalar – tabiiy yoki sintetik yuqori molekulali moddalardan olingan kompleks iplarni kesish yoki uzish usuli bilan ishlab chiqarilgan tolaga aytiladi.