1§. Jamiyatni axborotlashtirish va kompyuterlashtirish muammolari

12.2. Utilit-komplekslar
 Bunday komplekslar quyidagi amallarni bajarish imkoniyatini beradi:
-kompyuterning va uning elektron qurilmalarining nuqsonli joylarini aniqlash hamda bartaraf qilish;
-kompyuterni va uning qurilmalarini profilaktik tekshirishdan o’tkazish;
-kompyuter va uning qurilmalari to’g’risidagi barcha ma’lumotlarni saqlash hamda talab bo’yicha foydalanuvchiga etkazib berish.
 Eng ko’p tarqalgan utilit-komplekslar quyidagilardir.
 Norton Antivirus (NAV) 5.0. Tarkibida faylli viruslarni; rezident viruslarini; yuklovchi sektor viruslarini; ko’rinmas viruslarni; gibrid viruslarni; FAT - viruslarni; shifrlangan viruslarni; " Troya oti", "mantiqiy bomba" va "CHervi" tipidagi viruslarni aniqlovchi hamda zararsizlantiruvchi vositalar mavjuddir.
 Norton Utilities. Tarkibida quyidagi vositalar mavjud:
•NDD (Norton Disk Doctor) - diskning nuqsonli joylarini tekshiruvchi hamda shunday joylarni bartaraf etuvchi vosita;
•Norton CreshGuard - fon holatida ishlovchi hamda kompyuter va qurilmalarning ishlashini uzluksiz nazorat qilib boruvchi vosita;
• UnErase Wizard - tasodifan o’chirib yuborilgan fayllarni qayta tiklashga imkon beruvchi vosita;
• Norton Profection - o’chirib yuborilgan fayllarni qayta tiklash imkoniyatini oshiruvchi vosita;
• Norton File Compare - biror faylning har xil versiyalarini bir - biri bilan taqqoslab, ular orasidagi farqlarni aniqlab beruvchi vosita;
• Speed Disk - diskdagi fayllarning joylashishini optimallashtiruvchi vosita;
• Norton Optimization Wizard - fon holatida ishlab, diskga yozilayotgan fayllarni uzluksiz optimallashtirib turuvchi vosita;
• Space Wizard - diskdagi kam ishlatiluvchi yoki umuman ishlatilmayotgan fayllarni izlab topuvchi vosita;
• Norton System Doctor - kompyuterning va uning qurilmalarining ishlashini, imkoniyatlarini doimiy nazorat qilib boruvchi hamda nuqsonlar to’g’risida o’z vaqtida foydalanuvchini ogohlantirib turuvchi vosita;
• System Information - kompyuterning hamda uning qurilmalari to’g’risidagi barcha texnik - iqtisodiy ma’lumotlarni yig’ib boruvchi hamda talab bo’yicha foydalanuvchiga etkazib beruvchi vosita.