1§. Jamiyatni axborotlashtirish va kompyuterlashtirish muammolari

8.2. DVD diskovodlari
 Bunday diskovodlar maxsus DVD (Digital Video Discs – raqamli videodisk) disklaridagi ma’lumotlarni o’quvchi diskovodlardir. Ular DVD disklarida yozilgan videoroliklarni, videofilmlarni ham kompyuterda tamosha qilish imkonini beradi. CHunki ishlab chiqarilayotgan DVD disklarining sig’imi 17 Gb gacha boradi. Bu esa bir yoki ikki seriyali to’lametrajli badiiy filmni yozish uchun etarlidir (bir seriyali film o’rtacha 4,7Gb joy egallaydi).
 Hozirgi paytda ishlab chiqilayotgan DVD disklari quyidagi turlarga bo’linadi.
Sig’imlari bo’yicha:
-bir tomonli va bir qatlamli (DVD5 disklari, sig’imlari 4,7 Gb);
-bir tomonli va ikki qatlamli (DVD9 disklari, sig’imlari 8,5 Gb);
-ikki tomonli va bir qatlamli (DVD10 disklari, sig’imlari 9,4 Gb);
-ikki tomonli va ikki qatlamli (DVD18 disklari, sig’imlari 17 Gb);
 Ishlatilishiga ko’ra:
-DVD ROM -faqat o’qishga mo’ljallangan disk;
-DVD Video -videofilmlarni yozish va o’qishga mo’ljallangan disk;
-DVD-R - bir marta yozishga mo’ljallangan disk;
-DVD RAM - ko’p marta qayta yozishga mo’ljallangan disk;
-DVD Audio - tovushli ma’lumotlarni (musiqalarni) yozish va o’qishga mo’ljallangan disk.
 Shu kompakt disklar uchun ishlab chiqilgan diskovodlar ham quyidagi turlarga bo’linadi:
 DVD1 - diskovodlarning birinchi avlodi bo’lib, faqat DVD disklaridagi ma’lumotlarni o’qishga xizmat qiladi;
 DVD2 - diskovodlarning ikkinchi avlodi bo’lib, DVD disklaridan tashqari CD-R va CD-RW disklardagi ma’lumotlarni ham o’qishga xizmat qiladi.
 DVD diskovodlarini ishlab chiqarish texnologiyasi uzluksiz takomillashtirilib borilmoqda. Yaqin kelajakda DVD disklariga ma’lumotlarni yozish imkoniyatiga ham ega diskovodlar ishlab chiqish rejalashtirilmoqda.8.3.