1-илова “Заковат” интеллектуал ўйини Кодекси

2.3.4. Тур якунига қадар четлатиш 
Залдан тур якунига қадар чиқариб юбориш ушбу Кодекс, мусобақа 
тартиби ёки ўйин залидаги тартибни бир неча бор ёки бир бора қўпол равишда 

---

бузган билимдон, жамоа, секундант ёки томошабинга нисбатан қўлланилиши 
мумкин. 
Залдан тур якунига қадар чиқариб юбориш танбеҳ ёки огоҳлантириш 
берилмасдан ҳам қўлланилиши мумкин. 
Залдан тур якунига қадар билимдон чиқариб юборилганда тур якунига 
қадар уни заҳирадаги ўйинчи билан алмаштиришга ижозат берилмайди. 
Билимдонни зални тарк этишидан бош тортиши бутун жамоани чиқариб 
юборишга асос бўлиши мумкин. 
Жамоа залдан чиқариб юборилганда жамоа турда ўйналмаган 
саволларга жавоб топширмаган ҳисобланади. 
Билимдон ёки жамоани тур якунига қадар чиқариб юбориш бўйича 
қарорни ЎҲ қабул қилади. Секундант ёки томошабинни чиқариб юбориш 
тўғрисидаги қарорни бошловчи ҳам қабул қилиши мумкин. 
Чиқариб юборилган билимдон ёки томошабинларни кейинги турларга 
қўйиш бўйича қарорни ТҚ ёки унинг вакили кейинги тур бошланишига қадар 
қабул қилади. 
2.3.5. Мусобақада иштирок этишдан четлатиш 
Жамоа ёки мусобақанинг алоҳида иштирокчилари мусобақадан ушбу 
Кодекс, мусобақа тартиби ёки залдаги тартибни қўпол равишда бузганлиги, 
шунингдек одоб-аҳлоқ қоидаларини қўпол равишда бузганлиги учун 
четлатилиши мумкин. 
Мусобақада иштирок этишдан четлатиш тўғрисидаги қарорни 
мусобақада ҳозир бўлган барча ТҚ аъзолари ёки ТҚ вакиллари томонидан 
қабул қилинади (агарда мусобақа тартибида бошқа қоида назарда тутилмаган 
бўлса). 
Мусобақада иштирок этишдан четлатиш ҳолатлари “Заковат 
интеллектуал клуби” ННТ Кенгаши томонидан кўриб чиқилиб, қўшимча 
дисклафикация жазо чоралари қўлланиши ҳам мумкин. 
Билимдонни мусобақада иштирок этишдан четлатиш уни кейинги 
турларда заҳирадаги билимдон билан алмаштириш имкониятини чекламайди. 
Жамоа мусобақадан четлатилганда жамоа кўрсатган натижаларни бекор 
қилиш масаласи ТҚ ёки унинг вакили томонидан алоҳида ҳал қилинади. 
Агарда мусобақадан четлатилган жамоани натижалари бекор қилинмаса, 
қолган турлардаги саволларга жавоблари автоматик равишда техник ҳисобга 
олинмаган ҳисобланади.