1-илова “Заковат” интеллектуал ўйини Кодекси

3-қисм. Мусобақаларни ташкил қилиш 
3.1.-боб. Мусобақа турлари 
Барча ўтказилувчи мусобақалар бир марталик ва мунтазам ўтказилувчи 
турларга бўлиниши мумкин. Мусобақа агарда уни ўтказишда ўйин кунлари 
(яъни мусобақа ўтказилувчи кунлар) ўртасида узоқ вақтли (бир суткадан 
кўпроқ) танаффуслар йўқ бўлса бир марталик ҳисобланади. Акс ҳолда у 
мунтазам ўтказилувчи мусобақа ҳисобланади. Бундан ташқари, мусобақалар 
бир ва кўп босқичлиларга бўлинади. Кўп босқичли деб ўтказилиши давомида 
маълум босқичларидан (бир ёки бир неча бирин-кетин турлардан) сўнг 
мусобақанинг кейинги ўтишига таъсир қилувчи оралиқ натижалар 
чиқарилувчи мусобақага айтилади. 

---

Мусобақалар серияси деб ҳар бири учун ғолиб, совриндорлар ва 
жамоалар эгаллаган ўрни тўлиқ аниқланиб, алоҳида натижалар чиқарилувчи 
ва шунингдек, серияга кирувчи мусобақалар бўйича жамоаларнинг 
натижалари ҳисобланувчи мусобақалар мажмуасига айтилади.
Натижалари бошқа мусобақа ёки мусобақалар сериясига жамоанинг 
иштирок этишига таъсир қилувчи мусобақалар кириш мусобақалари деб 
аталади.
Юзма-юз мусобақа деб ҳамма жамоалар учун битта саволни битта 
бошловчи ўқийдиган ва қуйидаги шартлардан бири бажарилган мусобақага 
айтилади: 
•
ўйиннинг ҳар қандай пайтида барча иштирокчи жамоалар битта 
жойда жойлашишади; 
•
ўйиннинг ҳар қандай пайтида барча иштирокчи жамоалар битта 
бинонинг қўшни ёки яқин жойлашган хоналарида жойлашишади. 
Синхрон деб бир ҳил саволлар турли жамоаларга турли бошловчи 
томонидан ёки битта бошловчи томонидан турли жамоаларга навбат билан 
берилувчи мусобақа айтилади. Синхрон мусобақа доирасида турли жамоалар 
гуруҳи учун ўтказиладиган ўйин жойлари майдончалар деб аталади. Синхрон 
мусобақалар бир ҳафта давомида ўтказилиши лозим.
Қатъий синхрон мусобақа деб бир ҳил саволлар турли жамоалар 
томонидан бир ҳил вақтда, бир неча дақиқа фарқи билан, ўйналувчи синхрон 
мусобақа турига айтилади. 
Асинхрон мусобақа деб бир ҳил саволлар турли жамоалар ўртасида 
турли вақтда, бир ҳафтадан кўпроқ муддатда ўтказилувчи мусобақа турига 
айтилади.