1-илова “Заковат” интеллектуал ўйини Кодекси

2.3.6. Дисквалификация 
Жисмоний шахс ёки жамоанинг дисквалификация қилиш бўйича қарор 
“Заковат интеллектуал ўйини” ННТ ёки унинг жойлардаги клублари 
томонидан ўтказилувчи мусобақаларга нисбатан қўлланилиши мумкин. 

---

Жисмоний шахс дисквалификацияси мусобақаларда билимдон, 
бошловчи, ТҚ, ЎҲ, АҲ, ТГ, МГ аъзоси, ТҚ вакили сифатида иштирок этишини 
тақиқлашни ўз ичига олади. Шу билан биргаликда, ушбу шахсни 
мусобақаларда томошабин сифатида иштирок этиши бўйича қўшимча қарор 
ҳам қабул қилиниши мумкин. 
Жамоа дисквалификацияси жамоа аъзоларининг барчасини ёки 
баъзиларини (қарорда номма-ном кўрсатилувчи) ўз ичига олиши мумкин. 
Дисквалификация қилинмаган билимдонлар мусобақаларда иштирок этишни 
давом эттиришлари мумкин. 
Дисквалификация тўғрисида қарор “Заковат интеллектуал клуби” ННТ 
томонидан қабул қилинади. 
Дисквалификация тўғрисида қарорда у қанча муддатга қўлланилиши 
кўрсатилиши керак. Истисно тариқасида, муддатсиз дисквалификация 
берилиши мумкин. 
2.3.7. Дисквалификация жазоларини енгиллаштириш ва бекор 
қилиш 
Мусобақа ишитрокчиси ёки томошабинга берилган танбеҳ ёки 
огоҳлантириш мусобақа якуни билан тугатилган ҳисобланади. 
Дисквалификацияга учраган билимдон ёки жамоа аризасига мувофиқ 
дисквалификация тўғрисида қарор қилган орган томонидан ўз қарорини қайта 
кўриб чиққан ҳолда унинг муддатини камайтириши ёки бекор қилиши 
мумкин. Ариза дисквалификация муддатининг ярми ўтгандан сўнг, муддатсиз 
дисквалификация эса камида бир йил ўтгандан сўнг берилиши мумкин. 
Янги ҳолатлар аниқланганда, дисквалификация тўғрисидаги қарор қайта 
кўриб чиқилиши мумкин. 
Қўлланилган жазо чоралари бекор қилинганидан сўнг аввал ўтказилган 
мусобақалардаги жавобларни техник ҳисобга олмаслик тўғрисидаги қарорлар 
қайта кўриб чиқилмайди ва мусобақа натижалари ўзгартирилмайди.