1-илова “Заковат” интеллектуал ўйини Кодекси

2.2.5. Жавобни қабул қилиш бўйича аппеляцияни кўриб чиқиш 
Жавобни қабул қилиш бўйича аппеляцияга асос аппеляция берувчи 
жамоанинг муаллифлик жавоби ёки ЎҲ томонидан тўғри деб топилган бошқа 
жавоб билан бир қаторда улар топширган жавоб ҳам тўғри эканлиги ҳақидаги 
фикри ҳисобланади.
ЎҲ ёки ТҚ томонидан техник қабул қилмаслик доирасида (2.3.3 
параграфга қаранг) қабул қилинмаган жавобларга аппеляция қабул 
қилинмайди. 
Жавобни қабул қилиш бўйича аппеляцияни кўриб чиқиш жараёнида АҲ 
2.11-бобда берилган қоида ва тавсияларга мувофиқ жавобни савол матни ва 
мазмунига мос келишини бахолаши керак. Агарда ушбу жавоб савол шартлари 
ва мазмунига тўлиқ мос келса ёки унинг мос келиш даражаси ҳисобга олиш 
шартларидан ёки ЎҲ томонидан ҳисобга олинган бошқа жавоблардан кам 
бўлмаса, ушбу жавоб ҳисобга олинади. 
Муаллифлик жавобидан фарқ қилувчи жавоб берган жамоаларнинг 
аппеляциялари қаноатлантирилган бўлса, худди шундай жавоб берган бошқа 
жамоалар жавобларини ҳам, улар аппеляция бермаган бўлса ҳам, АҲ кўриб 
чиқиш ҳуқуқига эга. АҲ ушбу саволга мусобақа иштирокчилари томонидан 
берилган жавобларни ҳаммасини ўрганиб чиқиши ва қабул қилинган жавобга 
эквивалент жавобларни ҳисобга олиши мумкин. Бироқ, бу қоида жамоалар 
томонидан апеляция берилмаган тақдирда АҲга ҳеч қандай мажбурият 
юкламайди.

---

2.2.6. Саволни нотўғрилиги бўйича аппеляцияни кўриб чиқиш 
Саволни нотўғрилиги бўйича аппеляцияни беришга асос савол матни, 
муаллифлик жавоби ҳамда иллюстратив материалларда топилган фактик хато 
ҳисобланади. Бундан ташқари, саволни нотўғрилиги бўйича аппеляцияни 
беришга сабаб сифатида бошловчини саволни эълон қилишда йўл қўйган 
хатоси ҳам бўлиши мумкин. 
Фактик хато деб саволдаги ҳар қандай фактнинг, шу жумладан муаллиф 
шахсий тажрибаси ҳам, ҳақиқатга мос келмаслиги исботланиши ҳисобланади.
Саволни нотўғрилиги бўйича аппеляцияни кўриб чиқишда АҲ қуйидаги 
икки тамойилдан бирига амал қилиши керак: