1-илова “Заковат” интеллектуал ўйини Кодекси

2.2.2. Апелляция бериш 
Ўйналган тўпламнинг алоҳида саволлари бўйича аппеляция фақатгина 
ушбу саволлар ўйналган турда ёки барча турлар тугагандан сўнг умумий 
асосларда қатнашган жамоалар томонидан берилиши мумкин. 
Ҳар бир савол бўйича алоҳида аппеляция берилади. 
Бир неча жамоанинг битта савол бўйича умумий аппеляцияси қабул 
қилинмайди. Шунингдек, бошқа жамоа томонидан берилган жавобни ҳисобга 
олиш бўйича аппеляция ҳам қабул қилинмайди. 
Битта савол бўйича жамоа фақат бир кўринишдаги аппеляция бериши 
мумкин. 
Барча аппеляциялар фақат ёзма шаклда АҲ котибига берилади. Айрим 
ҳоллар бундан мустасно. АҲ котиби аппеляцияни рўйхатга олиб, АҲ га қайси 
жамоа томонидан берилганини маълум қилмасдан топшириши мумкин.
2.2.3. Аппеляцияни бериш вақти 
Мусобақа тартибида жамоаларни аппеляция бериш ва аппеляцияни 
кўриб чиқиш учун муддат белгиланиб қўйилиши керак. Аппеляцияни бериш 
муддатига камида 15 дақиқа алоҳида ҳолларда аппеляцияларни бериш ва 
кўриб чиқиш муддати ТҚ томонидан узайтирилиши мумкин.
Навбатдаги тур якунида бошловчи аппеляция бериш учун тайёргарлик 
вақтини бошланганини эълон қилади. Мусобақа тартибида аппеляциялар ўйин 
ўтказилган куннинг охирги туридан сўнг берилиши ҳам кўрсатиб ўтилиши 
мумкин. 
Доимий ёки синхрон равишда ўтказилувчи мусобақаларда мусобақа 
тартиби билан аппеляцияни тайёрлаш учун етарлича муддат ажратиш ва 
уларни электрон почта ёки бошқа алоқа воситалари орқали юбориш назарда 
тутилиши мумкин. 
2.2.4. Аппеляцияларни кўриб чиқиш тартиби 
Бир савол бўйича бир неча кўринишдаги аппеляциялар мавжуд бўлса, 
биринчи бўлиб саволнинг нотўғрилиги ва бошловчи хато қилганлиги бўйича 
аппеляциялар кўриб чиқилади ва улар қаноатлантирилган тақдирда жавобни 
қабул қилиш бўйича аппеляциялар кўриб чиқилмайди. 
Бир савол бўйича бир неча кўринишдаги аппеляциялар мавжуд бўлса, 
АҲ уларни бирин-кетин ёки биргаликда кўриб чиқиши мумкин ва ушбу кўриб 
чиқиш якунлангандан сўнг бошқа саволлар аппеляцияни кўриб чиқишга 

---

ўтади. Бошқа ҳолларда АҲ аппеляцияларни кўриб чиқиш тартибини ихтиёрий 
белгилаши мумкин. 
АҲ аппеляцияларни кўриб чиқаётганда аппеляцияда кўрсатилган 
далиллар билан чекланишга мажбур эмас. 
Агарда савол нотўғрилиги бўйича аппеляция берилмаган бўлса, АҲ ўз 
ташаббуси билан саволни бекор қилишга ҳаққи йўқ. 
Аппеляцияларни кўриб чиқиш жараёнида АҲ саволни бериш вақтида 
мавжуд бўлмаган манбаларга ҳаволаларни эътиборга олмайди. (Мисол учун, 
ушбу вақтдан сўнг интернетга жойлаштирилган хабарлар.) 
Зарурият туғилганда саволнинг баҳсли ёки мавҳум жойларини 
аниқлаштириш учун АҲ МГ вакили ёки аппеляция берган жамоа вакилини 
таклиф қилиш ҳуқуқи бор, лекин шунга қарамай, АҲ ва аппеляция берган 
жамоа ўртасидаги мулоқот АҲ котиби ёки ТҚ тасдиқлаган бошқа вакил 
орқали, аппеляция анонимлигини сақлаган ҳолда ўтказилиши тавсия 
қилинади. 
АҲнинг 
махсус 
рухсатисиз 
мусобақа 
иштирокчилари 
ва 
томошабинларга аппеляцияни кўриб чиқиш жараёнида ҳозир бўлиши 
тақиқланади.