1. Фуқароларнинг ижтимоий таъминот олиш ҳуқуқи ва унинг

Таянч сўз ва иборалар:

Ижтимоий таъминот ҳуқуқи,ижтимоий таъминот олиш ҳуқуқи , фуқароларга пенсиялар тайинлаш,ижтимоий таъминот муносабатлари,

меъёрий ҳужжатлар,пенсиялар ва нафақалар, Ижтимоий таъминотга оид қонун ҳужжатларининг вақт, худуд ва шахслар орасида амал қилиши , ижтимоий ҳимоя, субъект, моддий ёрдам,хомий, васий,вакил, жисмоний нуқсон.


Глоссарийлар.
1.Ижтимоий таъминот ҳуқуқининг тамойиллари -деганда унинг раҳбарий асослари тушунилади, зеро булар мазкур ҳуқуқий нормалар тизимининг ички бирлиги ва ривожланиш йўналишини характерлаб беради.
2.Ижтимоий таъминот ҳуқуқи фанининг предмети -Ижтимоий таъминотни амалга оширилиши соҳасида юз берувчи ижтимоий муносабатлар яъни: фуқароларни пенсиялар, моддий ёрдамлар билан таъминлаш, уларга турли ижтимоий натурал ёрдамлар кўрсатиш, ижтимоий имтиёзлар бериш пайтида ижтимоий таъминот олиш ҳуқуқига эга шахслар билан бундай ёрдамни кўрсатиш вазифаси юклатилган давлат ёки бошқа жамоат органлари ўртасида вужудга келувчи ҳуқуқий муносабатлар; фуқаролар, корхона ва ташкилотлар, ижтимоий таъминот органлари ҳуқуқий мақомининг белгиланиши, ижтимоий таъминот шаклларининг амалга оширилиши асослари, шартлари, тартибларининг белгиланиши кабилар ижтимоий таъминот ҳуқуқи предмети саналади.
3.Ҳуқуқ манбаи -деганда ижтимоий муносабатларни давлат томонидан тартибга солинишида қўлланиладиган ҳуқуқий шакллар назарда тутилади.
4.Ижтимоий таъминот уқуқи фани усуллари деганда бу соҳадаги муносабатларни тартибгша солиш учун қўлланиладиган махсус ҳуқуқий, иқисодий ва бошқа воситалар мажмуи назарда тутилади.


5.Ҳуқуқий муносабатлар - давлат томонидан ҳимоя қилинадиган, одатда, қонун нормаларининг кишилар хатти-ҳаракатларига таъсири натижасида юзага келадиган ва унинг қатнашчиларида субъектив ҳуқуқлар, юридик мажбуриятлар мавжудлиги билан тавсифланадиган ижтимоий муносабатлардир»


6.Даъво муддати - шахс ўзининг бузилган ҳуқуқини даъво қўзғатиш йўли билан ҳимоя қилиши мумкин бўлган муддатдир.