1. Фанга доир умумий тушунчалар, фаннинг мақсади ва вазифалари; Метрологиянинг ривожланиш тарихи, мақсад ва вазифалари; Асосий атама ва таърифлар

9.4-расм. СУ – 4 типидаги рефрактометр
Сахариметр ёрдамида номаълум эритма таркибидаги сахароза концентрациясини аниқлаш мумкин. Масалан, асал ва кондитер маҳсулотларитаркибидаги сахароза миқдори текширилади. Озиқ – овқат маҳсулотларини анализ қилишда хам сахариметр ишлатилади.
Фотоколориметрия ва спектрофотометрия усуллари
Ушбу усулда модданинг нурни ўзига танлаб сингдириш қобилиятига асослангандир. Бу усул билан рангли эритмаларда ранг берувчи моддаларнинг миқдорини аниқлаш мумкин.
Фотоколориметрия усулида эритма таркибидаги моддалар аниқланади. Бу усул текширилаётган модданинг монохроматик нурни танлаб ютишига асосланган. Текширилаётган модда эритмасининг ранги табиий ёки специфик реагент таъсирида ҳосил қилинган бўлиши мумкин. Фотоколориметрия усулида эритмаларнинг нур ютиш даражаси, фотоэлементли махсус асбоб билан аниқланади. Бундай асбоблар фотоэлектроколориметр (ФЭК) дейилади.
Фотоэлемент рангли эритмадан ўтаётганда ёруғлик энергиясини электр энергиясига айлантиради. Бунда ҳосил бўлаётган фототок тушаётган ёруғликка тўғри пропорционал бўлганлиги сабабли тушаётган ёруғлик нурини камайишини ФЭК ёрдамида аниқлаш мумкин. Бу усулнинг афзаллиги шундаки доим янги эталон эритма тайёрланмайди ва кўз хатосига йўл қўйилмайди, шу сабабли анча аниқ натижа олинади.
Ҳар бир рангли модда ўзининг ютилиш спектри билан характерланади.
Ҳозирги вақтда ишлаб чиқарилаётган ФЭК типидаги фотоколориметрилар энг мукаммал ва универсал ҳисобланади. Улар қуйидаги: ФЭК – 56М – УБ, ФЭК – Н – 57 ва ФЭК – 60 маркаларда чиқарилмоқда. 2.4 – расмда ФЭК – 56 – УБ маркали фотоколориметр келтирилган.
Озиқ – овқат товар маҳсулотларини таҳлил қилиш учун фотоколориметрия усулидан кенг фойдаланилади. Масалан, Грисс усули билан гўштли маҳсулотлардаги нитридлар аниқланади

9.5-расм. ФЭК – 56 фотокалориметр
Спектрофометрия усулида эса бир мунча мураккаб тузилган СФ – 4, СФ – 4А, СФ – 10, СФ – 16 ва бошқа маркали спектрофотометрлар ишлатилади.шунингдек бу усуллар билан узум винолари ва узум таркибидаги антоционлар миқдорини, чой ва кофедаги, какаодаги теобромин мева ва сабзавотларда эса ранг берувчи моддаларнинг миқдорини аниқлаш мумкин.
Ушбу усуллар: O’z DSt ISO 5518:2013. Мевалар, сабзавотлар ва улардан қайта ишланган маҳсулотлар. Бензой кислота миқдорини аниқлаш. Спектрофотометрик усул (ISO 5518:2007. IDT).Стандартида фойдаланилади.