НАЗОРАТ УЧУН САВОЛЛАР:
1. Ўзбекистон метрология хизмати ҳақида тартиб қайси ҳужжатда белгиланган?
2. Ўзбекистон метрология хизмати қандай қисмлардан таркиб топган?
3. Давлат метрологик хизмати таркибига қандай идоралар киради?
4. Давлат метрологик хизматининг вазифалари нималардан иборат?
5. Юридик шахс метрологик хизмати нима мақсадда ташкил этилади?
6. Юридик шахс метрологик хизмати намунали низоми қайси ҳужжатда келтирилган?
7. Метрологик хизмат билан метрологик таъминотнинг қандай ўзаро фарқли томонлари мавжуд?
8. Метрологик хизматнинг бош ва базавий ташкилотлари қаерда ташкил этилади?
9. Ташкилотлар ва корхоналар қошидаги метрологик хизматлари ким бошчилигида фаолият кўрсатади?
10. Ишлаб чиқаришнинг метрологик таъминоти тушунчаси нимани ангалатади?
СТАНДАРТЛАШТИРИШНИНГ МАҚСАДИ ВА АСОСИЙ ТУШУНЧАЛАРИ
РЕЖА:
1. Стандартлаштириш, метрология ва сертификатлаш” фанининг мақсад ва вазифалари;
2. Стандартлаштириш мақсад ва вазифалари;
3. Асосий тушунча ва атамалар;
4. Стандартлаштиришнинг асосий тамойиллари.
Таянч сўз ва иборалар: стандартлаштириш, стандарлаштириш объекти, милллий стандарт, стандартлаштириш тамойиллари, стандартлаштириш усуллари.
1. “Стандартлаш, метрология ва сертификатлаш” фанининг мақсад ва вазифалари
Инсон ақл-идроки, заковати билан ўрганаётган, шакллантираётган ҳамда ривожлантирган қайси фанни, унинг йўналишини олмайлик, албатта ўлчашларга, уларнинг турли усулларига, ўзаро боғланишларига дуч келамиз. Бу ўлчаш усуллари ва воситалари ёрдамида уларнинг бирлилигини, ягона ўлчашни талаб этилган аниқликда таъминлаш метрология фани орқалигина амалга оширилади. Шу сабабдан ҳозирдаги қайси бир фан, илмий йўналиш, у ҳоҳ табиий, ҳоҳ ижтимоий бўлмасин, албатта у ёки бу даражада метрология билан боғлиқ. Инсон қўли етган, фаолияти доирасига кирган аммо ўлчашлар ва уларнинг воситалари ёрдамисиз ўрганилган, изланган ҳамда кўзланган мақсадларга эришиш мумкин бўлган бирорта йўналиш йўқ. Шунинг учун ҳам метрология, стандартлаштиришва сертификатлаш асосларини билиш, уни ўз мутахассислиги доирасида тушуниш ва амалий қўллаш техника ва технология сохаларидаги бакалавриат йўналишлари битирувчилари муҳим омиллардан бири бўлиб ҳисобланади.
"Стандартлаштириш, метрология ва сертификатлаш" фани техника, менежмент ва маркетинг соҳалари йўналишларида бакалаврлар ва мухандислар тайёрлашда ўтилиши лозим бўлган фанлардан ҳисобланади. Давлат таълим стандартидан келиб чиқиб, ушбу фан талабаларда метрология, стандартлаштириш ва сертификатлаштириш бўйича зарур ва етарли бўлган асосий тушунчаларни шакллантиради.
Метрология фан сифатида ўлчашлар, уларга боғлиқ ва тегишли бўлган қатор масалаларни ўз доирасига олади. Метрология аслида юнончадан олинган бўлиб, -ўлчаш, ўлчам, нутқ, мантиқ, илм ёки фан маъноларини билдиради Умумий тушунчасини оладиган бўлсак, метрология-ўлчашлар ҳақидаги фан.
"Стандартлаштириш, метрология ва сертификатлаш" фанини ўрганишдан мақсад: талабаларда халқ хўжалигининг техника-технология, менежмент ва маркетинг соҳаларидаги ишлаб-чиқариш, савдо, назорат ва истеъмол билан боғлиқ бўлган турли метрология, сифат бошқаруви ва сертификатлаштириш бўйича масалалар билан шуғулланиш, ҳамда меёрий ҳужжатлар ва стандартлар билан ишлаш борасида етарли билим ва малакаларни ҳосил қилиш. Асосий вазифалар эса талабаларни узлуксиз таълим тизимида "Стандартлаштириш, метрология ва сертификатлаш" бўйича тайёрлашдан келиб чиқади. Бунда махсус фанлар доирасида ривожланувчи ва чуқурлашувчи метрология, стандартлаштириш, квалиметрия сифатни бошқариш, ўлчаш ва сертификатлаштириш бўйича фундаментал маълумотлар ўрганилади.
Do'stlaringiz bilan baham: |