1. экономиканы модернизациялаў шараятында есап системасының орны ҳӘМ ӘҲмийети реже

3.Ilimiy maqalalar, tezisler tayarlaw ta`rtibi.
Илимий мақалалар ҳәзирги ўақытта шешилиўи керек болған машқалалар бойынша илимий-изертлеўлерди өз ишине алады. Илимий мақалада дәслеп изертленип атырған объект бойынша актуал мәселелер ашып бериледи. Машқалалардың келип шығып атырған шараятлары сөз етиледи, оған тәсир етир атырған факторлар үйрениледи. Бул бойынша исленин атырған жумыслар келтириледи. Соның менен бирге бул машқалалардың шешилиў жоллары үйрениледи. Илимий мақаланың жуўмағында машқалаларды шешиў ушын пикир ҳәм усыныслар ислеп шығылады ҳәм олар көрсетиледи. Илимий мақланың көлеми кеминде 6 беттен ҳәм оннан көп болыўы талап етиледи.
Илимий тезислер де илимий мақалаларға уқсайды. Бунда да ҳәзирги ўақыттағы жүз берип атырған актуал мәселелер дәлилленип бериледи. Бул бойынша әмелег асырылып атырған жумыслар атап өтиледи. Мәлелерди шешиў ушын пикир ҳәм усыныслар бериледи. Илимий тезистиң колеми 3 бет ҳәм оннан көп болыўы мүмкин.
Илимий мақалаларды ҳәм илимий тезислерди баспадан шығарыў тәртиби сол мақала ямса тезисти баспадан шығаратуғын тәрептиң талапларына сәйкес түрде әмелге асырады.
4.Sabaqliq, oqiw qollanbalar, oqiw metoikaliq ko`rsetpeler tayarlaw tartibi.
Сабақлықларды таярлаў сол оқыў орнының мәмлекетлик стандартларына жуўап беретуғын тәртип қағыйдаларға сәйкес түрде таярланады. Сабақлықтың жазылыўы сол пән бойынша тастыйықланған оқыў бағдарламасына сәйкес түрде жазылады. Бағдарламада көрсетилген темаларды толық қамтып алыныўы керек ҳәм басқада талапларды сәйкес түрде орынлаўы керек.
Оқыў қолланбаларда сабақлыққа уқсатып сол пәнниң оқыў бағдарламасына сәйкес түрде жазылады, бирақ ол сабақлықка қарағанда сәл қысқарақ таярланады.
Оқыў методикалық көрсетпелерде сол пәнниң оқыў бағдарламасына сәйкес түрде таярланып, ол сол пән бойынша тапсырмаларды орынлаў ушын көрсетпелер бериў, мәселелер шешиў ушын көрсетпелер, тестлерди шешиў ушын көрсетпелер бериў сыяқлы тапсырмалар, көрсетпелер бериў жолларын әмелге асырады.
5.Pitkeriw qa`nigelik jumislarin jaziw tartibi
5230900 «Бухгалтериялық есап ҳәм аудит» бағдары бойынша тәлим алып атырған студентлер ушын оқыў барысы питкериў қәнигелик жумысын жазып таярлаў ҳәм жақлаў менен жуўмақланады. Қәнигелик жумысы студентлердиң жоқары оқыў орынларында оқыў дәўиринде алған теориялық билимлери менен әмелий көнликпелерин беккемлейди.
Питкериў қәнигелик жумысын жазып таярлаў қойылып атырған мәселениң актуалығын көрсетип бериўден баслап оны толық ақырына жеткериў бойынша қарарлар қабыл етиў, машқала үстинде өз бетинше ислей алыў, соныңдай орынланған жумыс бойынша белгили дәрежеде илимий тийкарланған усыныслар бере алыў көнликпелерин қәлиплестириўге қаратылған илимий-дөретиўшиликти талап ететуғын жумыслар комплекси болып, жумыс табыслы жақланғаннан соң студенттиң бакалавр дәрежесин алыўына тийкар болады.
Методикалық қолланбаның мақсети студентлерди питкериў қәнигелик жумысларының үлги тематикалары, орынлаў тәртиби ҳәм жумысты таярлаў барысы бойынша түсиниклер бериў арқалы жумысты сапалы ҳәм өз ўақтында, белгиленген кестеге муўапық орынлаўға, оны Мәмлекетлик Аттестация Комиссиясы алдына жақлаўға қойыўға жәрдем етеди.
Методикалық қолланба питкериў қәнигелик жумысты таярлаў ушын усыныс етилетуғын әдебиятлар ҳәм қосымшалардың дизими келтириледи. Қосымшаларда питкериўши қәнигелик жумысын рәсмийлестириў бойынша ҳүжжетлердиң үлгилери берилген:

1. 
   Теманы таңлаў бойынша арзасы
   
2. 
   Қәнигелик жумысына тапсырма
   
3. 
   Титул қағазы
   
4. 
   Сын ҳәм пикир формалары
   

Бакалавр – қәнигеси жәмийетимиздиң раўажланыўы ҳәм ӨЗБЕКИСТАН Республикасы базар экономикасының раўажланыў стратегиясының перспективалы бағдарларына бағдарланыўы тийис. Сонлықтан методикалық қолланба тезис формасында берилген питкериў қәнигелик жумысларының тематикасы тийкарғы қураллар ҳәм айланба қаржыларды, мийнет ресурслары, тәмийнат, өнимлерди өндириў ҳәм сатыў, искерлик байланысларын орнатыўды өз бетинше шешиўге бағдарланған, меншиктиң ҳәр қыйлы формаларындағы кәрханалардың (қоспа кәрханалар, ижаралық, акционерлик жәмийетлер, концернлер, концерциумлар, кооперативлер, коммерциялық банклер, жеке кәрханалар) базар қатнасықлары шараятында экономикалық искерликти жетилистириўге қаратылған есапты ҳәм қадағалаўды раўажландырыў перспективаларын сәўледендиреди.
Кәрхана базар қатнасықлары шараятында өзиниң әҳмийетли болған ўазыйпаларын шешиўде толық ғәрезсизликке ийе, яғный тийкарғы ҳәм айланба фондлардан, мийнет ресурсларынан, тәмийнат, өнимлерди өндириў ҳәм сатыў, искерлик байланысларын орнатыў мәселелерин ғәрезсиз түрде шешеди.
Бухгалтериялық есап, анализ ҳәм аудит сферасына базар талапларын есапқа алған ҳалда муғдар, сапа, жеткерип бериў мүддетлери, баҳа, сервис ҳ.т.б. усаған өнимлерди сатыўдың перспективаларын қамтыўшы маркетинг машқалалары келип қосылады.
Бухгалтериялық есап ҳәм аудиттиң алдында турған қурамалы машқалалардың нәтийжели шешими көп жағдайларда бухгалтерлер менен аудиторлардың кәсиплик шеберлигиниң дәрежесине байланыслы. Олар басқармадан ямаса қәлеген басқа бир шөлкемлердиң тазыйықларының тәсиринен қорғалғанлығын сезиўи ҳәм өз ўазыйпаларын орынлаў пайтында ҳуқықларының тийкарсыз паймал етилиўи жағдайында қорғалыўына ҳәм қоллап-қуўатланатуғынлығына исениўи оғада әҳмийетли.
Аудиторлық қадағалаў мәмлекетлик меншик искерлиги тараўына кирмейтуғын кәрханалар менен шөлкемлерде әмелге асырылады. Бундай кәрханалар қатарына:

• 
  тараўлар аралық концернлер;
  
• 
  бирлеспелер;
  
• 
  қоспа кәрханалар;
  
• 
  ижаралық кәрханалар менен шөлкемлер;
  
• 
  кооперативлер;
  
• 
  коммерциялық банклер;
  
• 
  ассоциациялар;
  
• 
  акционерлик ҳәм жеке кәрханалар киреди.
  

Аудиторлық шөлкемлер кәрхананың (фирманың) буйыртпасы бойынша төлем уқыплылығы жағдайы мәселесинде турақлы тексериўлер жүргизеди, коммерциялық искерликтиң нәтийжелилигин анализлейди, финаслық есабаттың ҳақыйқыйлығы ҳәм исенимлилиги ҳаққында жуўмақ шығарады.
Базар экономикасындағы ең әҳмийетли мәселелерден бири – бул кадр мәселеси болып табылады. Усыған байланыслы 5230900 «Бухгалтериялық есап ҳәм аудит» бағдарындағы қәнигеликлерге қойылатуғын талап оғада жоқары:

1. 
   Хожалық жүргизиў усыллары жер жүзлик стандартлар дәрежесинде әмелге асырыўға жағдай жаратыўшы жоқары маманлық дәрежесинде экономикалық билимлерге ийе болыўы;
   
2. 
   Кәрхана шөлкем ҳәм ҳәр қыйлы тараўлық мәкемелердиң финанс хожалық искерлигиниң аудитин шөлкемлестириў ҳәм өткериў;
   
3. 
   Аудиторлық искерликтиң прогрессив форма ҳәм усылларын қолланыў;
   
4. 
   Аудиторлық ҳәм есап – экономикалық искерлик пенен байланыслы мәселелер бойынша өз бетинше шешим қабыллаў;
   
5. 
   Аудиторлық процедуралардың нәтийжелери бойынша усыныслар ислеп шығыў, бухгалтериялық есап ҳәм есабатлардың кәрханаларда, мәкемелерде ҳәм шөлкемлерде дурыслығы жағдайын тексериў;
   
6. 
   Маркетингти басқарыў, исбилерменлик искерлиги мәселелерине бағдарланыў, баҳалы қағазлар базары ҳаққында ҳ.т.б түсиниклерге ийе болыў.
   

1.Питкериў қәнигелик жумысы темасын таңлаў

Студентлерге кафедра тәрепинен тастыйықланған питкериў қәнигелик темалары дизиминен қәлеген темасын еркин таңлаў ҳуқықы бериледи. Студент айырым жағдайларда жумыс темасы мәселесинде өзиниң жеке вариантын усыныўы мүмкин. Бирақ ол оны өндиристиң перспективалылығын ҳәм зәрүрлигин тастыйықлаўшы материал менен тәмийнленген болыўы тийис.
Кафедра питкериўши студентлердиң питкериўши қәнигелик жумыс темаларын таңлап алыў дәўиринде олар ушын мәсләҳәтлер шөлкемлестиреди.
Студент теманы таңлаўда университетти тамамлағаннан кейин дусласыўына туўра келетуғын өз илимий қызығыўшылықларын ҳәм актуал машқалаларды басшылыққа алады. Бунда кәрханалардан буйыртпа сыпатында келип түскен темаларға көбирек әҳмийет бериледи.
Питкериў қәнигелик жумысларының темаларын таңлаў барысында дерлик бурын басланған илимий жумысты даўам еттириў мүмкиншилигин бериўши жазып питкерилген курс жумыслары менен илимий баянатлардың темаларын есапқа алыў мақсетке муўапық келеди. Сондай-ақ, питкериў жумысларын илажы барынша кафедраның хожалық шәртнамалары, инновациялық ҳәм фундаменталлық грантлары менен байланыслы темалар бойынша орынланғаны мақсетке муўапық.

2.Питкериў қәнигелик жумысларының темалары

• 
  «Стандарт-кост» усылында өнимниң өзине түсер баҳасын анықлаў ҳәм олардың анализи.
  
• 
  Азық-аўқат өнимлерин ислеп шығарыўшы кәрханаларда материаллардың есабы ҳәм аудити.
  
• 
  Айланба активлер нақлығы ҳәм финанслық турақлылығы анализи.
  
• 
  Айланба қаржылардан нәтийжели пайдаланыўдың анализи ҳәм аудити.
  
• 
  Акционерлик жәмийетлеринде финанслық нәтийжелердиң есабы ҳәм аудити.
  
• 
  Акционерлик жәмийетлерде таяр өнимлер ҳәм оларды сатыўдың есабы.
  
• 
  Акционерлик жәмийетлерде эмиссия дараматлары есабы ҳәм аудити.
  
• 
  Акционерлик кәрхананың бухгалтериялық есабының ҳәм ишки аудитиниң шөлкемлестирилиўи.
  
• 
  Аудит сапасының қадағаланыўы ҳәм оны әмелге асырыўда орынлаўшы ҳәкимияттың ўазыйпалары.
  
• 
  Аудиторлардың кәсиплик этикасы ҳәм оның нормалары.
  
• 
  Аудиторлық жуўмақлары ҳәм оларды дүзиў тәртиби.
  
• 
  Аудиторлық тексериўди өткизиўде анализ процесслери.
  
• 
  Аудиторлық тексериўдиң жуўмақланыўы ҳәм аудит есабатын таярлаўдың өзгешеликлери.
  
• 
  Аудиторлық фирмалар искерлигиниң есабы ҳәм анализи.
  
• 
  Аудитти режелестириў ҳәм аналитикалық процесслер.
  
• 
  Аўыл хожалығында аудит өткизиўди шөлкемлестириў.
  
• 
  Аўыл хожалығында лизинг операцияларының есабы ҳәм аудити.
  
• 
  Байланыс тармағы субъектлеринде тийкарғы қәрежетлер есабы ҳәм аудити.
  
• 
  Байланыс тармағы субъектлеринде финанслық нәтийжелериниң есабы ҳәм аудити.
  
• 
  Банк мәкемелеринде дараматлар ҳәм қәрежетлердиң есабы ҳәм анализи.
  
• 
  Банк мәкемелеринде мәжбүрий аудиторлық тексериўлерди шөлкемлестириўдиң өзгешеликлери.
  
• 
  Басқа кәрханаларға қайта ислеў ушын берилген шийки затлардың есабы ҳәм аудити.
  
• 
  Басқарыў анализиниң кәрхананың ишки резервлеринен өнимли пайдаланыўдағы әҳмийети.
  
• 
  Басқарыў есабында сызықлы моделлестириў усылын қолланыў мәселелери.
  
• 
  Басқарыў есабында турақлы ҳәм өзгериўши қәрежетлер анализи, олардың маркетинг хызметине тәсири.
  
• 
  Бийпул берилген тийкарғы қураллардың есабы ҳәм аудити.
  
• 
  Бирден - бир салық төлеўши кәрханалардың финанслық есабатты таярлаўы ҳәм тапсырыўындағы өзгешеликлер.
  
• 
  Бирден-бир социаллық төлем ҳәм бюджеттен тысқары Пенсия фондына қамсызландырыў төлемлерин есаплаў механизмин жетилистириў.
  
• 
  Бөлистирилетуғын қәрежетлер есабы ҳәм аудити.
  
• 
  Бөлистирилмеген пайданың қәлиплесиўи ҳәм сарыпланыўы есабы.
  
• 
  Бухгалтерия есабы ҳәм есабатларының жағдайын тексериў ҳәм де оның нәтийжелерин улыўмаластырыў тәртиби.
  
• 
  Бухгалтерия есабын жүритиўди компьютер шараятында алып барыўдың машқалалары ҳәм перспективалары.
  
• 
  Бухгалтерия есабының халық аралық стандартлары ҳәм ӨЗБЕКИСТАН экономикасында қолланыў мәселелери.
  
• 
  Бухгалтериялық баланс ликвидлиги ҳәм кәрхананың төлеўге уқыплылығының анализи.
  
• 
  Бухгалтерия есабының счетлар режеси ҳәм базар экономикасы шараятында оны қолланыў машқалалары.
  
• 
  Бухгалтериялық есап ҳәм есабаттағы есап-санақ мағлыўматларының улыўмаластырылыўы
  
• 
  Бухгалтериялық есаптың миллий стандартларының (БЕМС) ӨЗБЕКИСТАН Республикасында қолланыўы.
  
• 
  Бухгалтериялық есаптың миллий стандартларының кәрханаларға енгизилиўи (БЕМС №2).
  
• 
  Бюджет мекемелерине бухгалтерия есабын шөлкемлестириў ҳәм оның әҳмийети.
  
• 
  Бюджет мәкемелериниң есабаты ҳәм оны дүзиў тәртиби.
  
• 
  Бюджетке төлемлер бойынша қарыздарлық суммаларының есабы ҳәм аудити.
  
• 
  Бюджет мәкемелерде тийкарғы қураллар ҳәм материаллық запаслардың есабы.
  
• 
  Бюджеттен тысқары фондларға төлемлердиң есабын жүритиў ҳәм оның аудити.
  
• 
  Валюталық қаржылардың аудити ҳәм есабы.
  
• 
  Қайта ислеў қәрежетлерин есапқа алыў ҳәм өнимниң өзине түсер баҳасын анықлаў.
  
• 
  Брокерлик субъектлерде қәрежетлер есабы ҳәм аудити.
  
• 
  Экономиканы еркинлестириў шараятында тийкарғы қураллардың дәслепки қунын қәлиплестириўши қәрежетлер есабы ҳәм аудити.
  
• 
  Сырт ел технологияларын сатып алыў ҳәм орнатыў қәрежетлериниң есабы ҳәм аудити.
  
• 
  Сырт елден сатып алынған тийкарғы қураллардың есабы ҳәм аудити.
  
• 
  Коммерциялық банклердиң лизинг операциялары есабы ҳәм аудитин шөлкемлестириў.
  
• 
  Жаңа техниканы енгизиў технологиясын жақсылыў ҳәм өндиристи шөлкемлестириў қәрежетлери нәтийжелилигиниң есабы ҳәм аудити.
  
• 
  Жанапай салықлар есабы ҳәм оны жетилистириў мәселелери.
  
• 
  Жанар – май ислеп шығарыў кәрханаларында финанслық нәтийжелердиң есабы ҳәм аудити.
  
• 
  Жанар – май ислеп шығарыў қәрежетлериниң есабы ҳәм өнимниң өзине түсер баҳасын анықлаў.
  
• 
  Жәрдемши ислеп шығарыў қәрежетлериниң есабы ҳәм аудити.
  
• 
  Жеткерип бериўшилер ҳәм бөлип алып ислеўшилер менен есапласыўлардың есабы ҳәм аудити
  
• 
  Жолдағы пул қәрежетлериниң есабы ҳәм аудити.
  
• 
  Есап бериўши шахслар менен есапласыўлардың есабы ҳәм аудити
  
• 
  Ижараға алынған тийкарғы қураллардың есабы ҳәм аудити.
  
• 
  Инвентаризацияны шөлкемлестириў ҳәм өткериў, аудиторлық қадағалаўда оның әҳмийети.
  
• 
  Ис ҳақы есабы ҳәм аудити.
  
• 
  Өндирислик қәрежетлердиң есабы ҳәм оларды өнимлердиң өзине түсер баҳасына есапланыўының аудитин шөлкемлестириў.
  
• 
  Өндиристеги жарамсыз өнимлер ҳәм жоғалтыўдың есабы ҳәм аудити.
  
• 
  Ишки аудит хызметин автоматластырыў.
  
• 
  Ишки аудиттиң кәрханаларда есапты жетилистириўдеги әҳмийети
  
• 
  Қайта ислеўши кәрханаларда аудитти шөлкемлестириў ҳәм өткизиў тәртиби.
  
• 
  Қамсызландырыў төлемлери есабын жүргизиў ҳәм оның аудити.
  
• 
  Капитал қойылмалардың есабы ҳәм аудити.
  
• 
  Капитал қойылмалар менен байланыслы болған валюта қатнасықларының есабы ҳәм аудити.
  
• 
  Капитал ҳәм резервлердиң есабы ҳәм оның аудити.
  
• 
  Кассалар ҳәм кассалық операциялардың есабы ҳәм аудити
  
• 
  Келеси дәўир қәрежетлериниң есабы ҳәм аудити.
  
• 
  Келеси дәўир қәрежетлери ҳәм төлемлери резервлериниң есабы ҳәм анализи.
  
• 
  Келеси дәўирде салыққа тартылатуғын базадан шегирилетуғын қәрежетлер есабы ҳәм аудити.
  
• 
  Кәрхана инвестицияларының есабы ҳәм оның нәтийжелериниң анализи.
  
• 
  Кәрхана инвестициялық искерлигиниң анализи.
  
• 
  Кәрханаларда ағымдағы миннетлемелердиң есабы ҳәм анализи.
  
• 
  Кәрханаларда ағымдағы миннетлемелердиң аудити.
  
• 
  Кәрханаларда басқарыў есабын шөлкемлестириў ҳәм жетилистириў.
  
• 
  Кәрханаларда бухгалтериялық есапты компьютерлестириў машқалалары
  
• 
  Кәрханаларда есап сиясатын жетилистириўдиң машқалалары .
  
• 
  Кәрханаларда кредитлерден пайдаланыў тәртиби ҳәм олардың есабын шөлкемлестириў.
  
• 
  Кәрханаларда мийнетке ҳақы төлеўдиң есабы ҳәм оның аудити.
  
• 
  Кәрханаларда миннетлемелердиң есабы ҳәм анализи.
  
• 
  Кәрханаларда мүликлерди қайта баҳалаўды есапқа алыў ҳәм анализлеў.
  
• 
  Кәрханаларда өнимлердиң өзине түсер баҳасын есапқа алыў ҳәм олардың анализи.
  
• 
  Кәрханаларда устав капиталының есабы ҳәм аудити.
  
• 
  Кәрханаларда финанслық есабаттың анализи ҳәм аудити.
  
• 
  Кәрханаларда финанслық есапты шөлкемлестириў ҳәм жетилистириў.
  
• 
  Кәрханаларда финаслық нәтийжелердиң есабы ҳәм оларды анықлаў машқалалары.
  
• 
  Кәрханалардың жеткерип бериўшилер ҳәм бөлип алып ислеўшилер менен есапласыўларының есабы.
  
• 
  Кәрханалардың финанслық турақлылығын баҳалаў ҳәм оның анализи.
  
• 
  Кәрхананың банктеги счетлары бойынша операциялары есабы ҳәм аудитин шөлкемлестириў.
  
• 
  Кәрхананың есап сиясаты ҳәм оны тастыйықлаў мәселелери.
  
• 
  Кәрхананың кредитке уқыплылығының анализи ҳәм банк кредитлери есабы.
  
• 
  Кәрхананың қысқа мүддетли инвестициялары есабы ҳәм аудити.
  
• 
  Киши бизнес кәрханаларында банк кредителери есабы ҳәм аудити.
  
• 
  Киши бизнес кәрханаларындағы есап ҳәм аудит өзгешеликлери.
  
• 
  Киши бизнес ҳәм исбилерменлик субъектлеринде бухгалтериия есабын жүргизиў.
  
• 
  Киши исбилерменлик субъектлеринде экспорт ҳәм импорт искерлигиниң есабын жүритиў.
  
• 
  Киши исбилерменлик субъектлериниң искерлигиниң есабы ҳәм салыққа тартыў мәселелери.
  
• 
  Коммерциялық банклерде берилген кредитлердиң есабы ҳәм оның анализи.
  
• 
  Коммерциялық банклердиң дараматларының ҳәм қәрежетлериниң есабы ҳәм олардың аудити.
  
• 
  Коммерциялық банклерде аудит тексериўлерин шөлкемлестириў ҳәм аудит есабатын таярлаў машқалалары.
  
• 
  Коммерциялық банклерде баҳалы қағазлар есабы ҳәм аудити
  
• 
  Комплексли аудит өткизиў тәртиби ҳәм оны жетилистириў жоллары.
  
• 
  Комплексли аудиттиң раўажланыўы ҳәм оның экономика тармақларында өзгериси
  
• 
  Компьютер орталығында финанслық есабаттың аудити.
  
• 
  Консалидацияластырылған (улыўмаластырылған) финанслық есабат дүзиў ҳәм оны жетилистириў.
  
• 
  Консолидацияласқан есабатты дүзиў усыллары.
  
• 
  Қоспа кәрханаларда бухгалтериялық есап ҳәм аудитти шөлкемлестириў өзгешеликлери
  
• 
  Қоспа кәрханаларда инвестициялардың есабы ҳәм аудити.
  
• 
  Қоспа кәрханаларда қәрежетлер есабы ҳәм оның анализи.
  
• 
  Қоспа кәрханаларда бухгалтерия есабы ҳәм аудиттиң өзгешеликлери.
  
• 
  Көтере саўда кәрханаларында финанслық нәтийжелердиң есабы.
  
• 
  Көтере саўдада товар айланысларының есабы ҳәм аудити.
  
• 
  Қурылыс бирлеспелеринде өндирислик қәрежетлердиң есабы ҳәм өнимниң өзине түсер баҳасын анықлаў.
  
• 
  Қурылыс кәрханаларында таяр өнимлер, оларды сатыў есабы ҳәм аудити.
  
• 
  Қурылыс кәрханаларында айланба қаржылар есабы ҳәм аудити.
  
• 
  Қурылыс кәрханаларында бухгалтерия есабы ҳәм аудитиниң әҳмийети.
  
• 
  Қурылыс кәрханаларында дараматларды есапқа алыў ҳәм оның аудити.
  
• 
  Лизинг операцияларының есабы ҳәм аудити.
  
• 
  Лизинг тийкарында алынған узақ мүддетли қураллардан пайдаланыў ҳәм ижара қатнасықларының есабын жүргизиў.
  
• 
  Май ислеп шығарыўшы кәрханаларда кредит операциялары ҳәм олардың есабын шөлкемлестириў.
  
• 
  Май ислеп шығарыўшы кәрханаларда өндирислик қәрежетлер есабы ҳәм аудити.
  
• 
  Машина ҳәм әсбап – үскенелердиң ислетиў қәрежетлериниң есабы ҳәм аудити.
  
• 
  Мәмлекетлик-акционерлик жәмийетлерде бухгалтерия есабы ҳәм аудитти шөлкемлестириў.
  
• 
  Мийнетке ҳақы төлеми есабының ҳәм аудитиниң шөлкемлестирилиўи.
  
• 
  Нефтьти қайта ислеў базаларында қәрежетлердиң есабын жүргизиў ҳәм оның аудити.
  
• 
  Нефтьти қайта ислеў қәрежетлериниң есабы ҳәм өнимниң өзине түсер баҳасын анықлаў.
  
• 
  Тийкарғы искерликтен (БЕМС ға тийкарланып) түскен дараматлардың есабы ҳәм аудити
  
• 
  Орнатылатуғын әсбап – үскенелердиң есабын жүритиў ҳәм олардың аудити.
  
• 
  Өзбекистан Республикасында бухгалтерия есабын жетилистириў машқалалары.
  
• 
  Өзбекистан экономикасында бухгалтерия есабын реформаластырыў басқышлары.
  
• 
  Өзбекистанда аудиторлық миллий стандартлардың ислеп шығарылыўы ҳәм қолланылыўы.
  
• 
  Өзбекистанда бухгалтерия есабының миллий стандартлары ҳәм олардың әҳмийети.
  
• 
  Өндирислик кəрханаларда узақ мүддетли активлерди есапқа алыўдың өзгешеликлери ҳәм аудити
  
• 
  Өним ислеп шығарыўдың өзине түсер баҳасына киритилетуғын қәрежетлер қурамы, олардың есабы ҳәм аудити.
  
• 
  Өним, жумыс ҳәм хызметлерди сатыўдың есабы ҳәмде аудити.
  
• 
  Өнимлерди өндириў жобаларының орынланыўының анализи
  
• 
  Өнимлерди қайта ислеўши кәрханаларда финанслық нәтийжелердиң аудити ҳәм анализи.
  
• 
  Өсимгершиликте қәрежетлердиң есабын жүргизиў ҳәм өнимниң өзине түсер баҳасын калькуляциялаў.
  
• 
  Пайданы қәлиплестириў ҳәм бөлистириўдиң есабы ҳәм аудити.
  
• 
  Палызды қайта ислеў қәрежетлериниң есабын шөлкемлестириў ҳәм оның өзине түсер баҳасын анықлаў.
  
• 
  Пул ағымлары ҳаққындағы есабатты дүзиў усыллары ҳәм оны аудиторлық тексериўден өткериў тәртиби.
  
• 
  Салық есабының методикалық ҳәм шөлкемлестириў тийкарлары.
  
• 
  Салық системасын реформалаў шараятында салыққа тартыўдың әпиўайыластырылған тәртиби ҳәм оны жетилистириў машқалалары
  
• 
  Салыққа тартылатуғын пайданы анықлаў есабы ҳәм аудити.
  
• 
  Салықлар бойынша финанслық есапласыўлардың есабы ҳәм аудити
  
• 
  Салықлар ҳәм мәжбүрий төлемлердиң финанслық есабы.
  
• 
  Салықлар ҳәм төлемлердиң есабы ҳәм аудити.
  
• 
  Салықлар ҳәм төлемлердиң финанслық есабын ҳәм анализин жетилистирилиў.
  
• 
  Санаат кәрханаларында аудит өткизиўди шөлкемлестириў.
  
• 
  Санаат кәрханаларында өндирислик есапты шөлкемлестириў.
  
• 
  Санаат кәрханаларында қәрежетлерди элементлери бойынша есапқа алыў усылы.
  
• 
  Саўда кәрханаларында түрли дебитор ҳәм кредиторлар менен есапласыўлардың есабы.
  
• 
  Склад хожалығын шөлкемлестириў ҳәм оның синтетикалық ҳәм аналитикалық есабы.
  
• 
  Спиртли ишимлик ислеп шығарыўшы кәрханаларда финанслық нәтийжелердиң есабы ҳәм аудити.
  
• 
  Субъекттиң өзинде жаратылған материаллық емес активлердиң есабы ҳәм аудити.
  
• 
  Суд-бухгалтерия экспертизасын өткизиў ҳәм нәтийжелерин рәсмийлестириў.
  
• 
  Сүтти қайта ислеўши кәрханаларда қәрежетлердиң есабы ҳәм өнимниң өзине түсер баҳасын анықлаў.
  
• 
  Сүтти қайта ислеўши кәрханаларда финанслық нәтийжелердиң есабы ҳәм аудити.
  
• 
  Сыңар ҳәм ғәрезли хожалық жәмийетлерине бағдарланған инвестициялар есабы ҳәм аудити.
  
• 
  Тамамланбаған өндирис қәрежетлериниң есабы ҳәм аудити.
  
• 
  Тараўлар аралық кәрханаларда складлық есаптың шөлкемлестирилиўи.
  
• 
  Тараўлар аралық кәрханаларда бухгалтериялық есапты шөлкемлестириў аудитиниң жүргизилиўи
  
• 
  Тараўлар аралық кәрханаларда бухгалтериялық есаптың миллий стандартларына (БЕМС) сай инвентаризацияны шөлкемлестириў ҳәм өткериў.
  
• 
  Тараўлар аралық кәрханаларда инвестиция есабы ҳәм аудитиниң жетилистирилиўи
  
• 
  Тараўлар аралық кәрханаларда комплексли аудитти шөлкемлестириў ҳәм өткизиў
  
• 
  Тараўлар аралық кәрханаларда қосымша капиталдың есабы ҳәм аудити
  
• 
  Тараўлар аралық кәрханаларда лизинглик операциялардың есабы ҳәм анализи (БЕМС №6).
  
• 
  Тараўлар аралық кәрханаларда мийнетке ҳақы төлеўдиң есабы ҳәм аудити.
  
• 
  Тараўлар аралық кәрханаларда тийкарғы қураллардың аммортизациясының есабы ҳәм аудити.
  
• 
  Тараўлар аралық кәрханаларда тийкарғы қураллардың ремонтының шөлкемлестирилиўи, оны қаржыландырыў дереклери анализи.
  
• 
  Тараўлар аралық кәрханалардағы ақша ағымларының есабы ҳәм анализи.
  
• 
  Тараўлар аралық кәрханалардағы баҳалы қағазлар есабы ҳәм аудити
  
• 
  Тараўлар аралық кәрханалардағы есап сиясаты ҳәм оны қолланыў әмелияты
  
• 
  Тараўлар аралық кәрханалардағы есапласыў операциялары бухгалтериялық есабын ҳәм аудитин жетилистирилиў
  
• 
  Тараўлар аралық кәрханалардағы жәрдемши өндиристиң тийкарғы қуралларының амортизациясы есабы ҳәм аудити.
  
• 
  Тараўлар аралық кәрханалардағы тамамланбаған өндиристиң есабы ҳәм аудити
  
• 
  Тараўлар аралық кәрханалардағы кассалық операциялардың есабы ҳәм аудити.
  
• 
  Тараўлар аралық кәрханалардағы материаллық емес активлердиң есабы ҳәм аудити (БЕМС №6).
  
• 
  Тараўлар аралық кәрханалардағы сатыўдан түскен финанслық нәтийжелердиң есабы ҳәм аудити
  
• 
  Тараўлар аралық кәрханалардағы тийкарғы қаржы дереклериниң есабы ҳәм аудити
  
• 
  Тараўлар аралық кәрханалардағы финанслық есапласыўлардың қурамы ҳәм дүзилиси.
  
• 
  Тараўлар аралық кәрханалардағы финанслық нәтийжелердиң анализи.
  
• 
  Тараўлар аралық кәрханалардағы дебиторлық ҳәм кредиторлық қарызлардың есабы ҳәм аудити
  
• 
  Таяр өним, оның сатылыў есабы ҳәм аудити.
  
• 
  Таяр өнимди шығарыў ҳәм сатыўға кеткен шығынның есабы ҳәм аудити.
  
• 
  Транспорт кәрханаларында жүк тасыў қәрежетлериниң есабы ҳәм хызметтиң өзине түсер баҳасын калькуляциялаў.
  
• 
  Тийкарғы қураллар ҳәрекети ҳаққындағы есабатты дүзиў тәртиби ҳәм оның аудитинде қолланылатуғын усыллар.
  
• 
  Тийкарғы қураллардың ағымдағы ҳәм капитал оңланыўы бойынша қәрежетлериниң есабы ҳәм аудити.
  
• 
  Тийкарғы қуралларды модернизация қылыў, оңлаўды есапқа алыў ҳәм оның аудити.
  
• 
  Тийкарғы қуралларды пайдаланыўдың нәтийжелилигиниң есабы ҳәм аудити.
  
• 
  Тийкарғы қураллардың есабы ҳәм олардан пайдаланыўдың нәтийжелилигин асырыў.
  
• 
  Тийкарғы хызметтен алынатуғын дараматлардың есабы ҳәм аудити.
  
• 
  Товар – метриаллық запаслар бойынша транспорт – таярлаў қәрежетлериниң есабы ҳәм аудити.
  
• 
  Товар жеткерип бериўшилер ҳәм қарыйдарлар менен есапласыў операцияларының есабы ҳәм аудити.
  
• 
  Товар-материаллық запаслардың есабы, оларды баҳалаў ҳәм түрлерге ажыратыў тәртиби.
  
• 
  Тоқымашылық кәрханаларында қәрежетлердиң есабын шөлкемлестириў ҳәм өнимниң өзине түсер баҳасын анықлаў.
  
• 
  Транспорт – логистикалық кәрханаларда қәрежетлердиң есабы ҳәм аудити.
  
• 
  Транспорт кәрханаларында бухгалтерия есабы ҳәм аудитин шөлкемлестириўдиң өзгешеликлери.
  
• 
  Тараўлар аралық кәрханалардағы өз қаржыларының анализи ҳәм аудити
  
• 
  Туризм фирмалары дараматларының есабы ҳәм аудити.
  
• 
  Туризм фирмаларында тийкарғы қуралларды ислетиў қәрежетлериниң есабы ҳәм аудити.
  
• 
  Туризм фирмаларында тийкарғы искерлик қәрежетлери есабы ҳәм аудити.
  
• 
  Узақ мүддетли миннетлемелердиң есабын жүргизиў.
  
• 
  Усақлап сатыў кәрханаларында тийкарғы искерликтиң есабын жүритиў.
  
• 
  Усақлап сатыў саўдасында товар айланысларының есабы ҳәм аудити.
  
• 
  Уставлық капиталдың есабы ҳәм аудити
  
• 
  Физикалық тәреплердиң мийнетке ҳақы төлеў формасындағы дараматларын салыққа тартыў ҳәм олардың бухгалтериялық есабы.
  
• 
  Финанс органларында Мәмлекетлик бюджет дараматлары ҳәм пул қаржылары есабының өзгешеликлери.
  
• 
  Турақлы ҳәм өзгериўшең қәрежетлердиң есабы ҳәм аудити.
  
• 
  Импорт бойынша салықлар ҳәм мәжбүрий төлемлердиң есабы ҳәм аудити.
  
• 
  Консигнация тийкарында товарларды сатыў есабын шөлкемлестириў ҳәм жүргизиў.
  
• 
  Өнимниң өзине түсер баҳасының есабын жүргизиў ҳәм оған тәсир етиўши дереклердиң анализи.
  
• 
  Туризм фирмаларында финанслық нәтийжелердиң есабы ҳәм аудити.
  
• 
  Экспорт операциялары бойынша салықлар ҳәм төлемлердиң есабы ҳәм де аудити.
  
• 
  Баҳалы қағазларды шығарыў ҳәм оларды жайластырыўдың есабы ҳәм аудити.
  
• 
  Узақ мүддетли дебиторлық қарызлардың есабы ҳәм аудити.
  
• 
  Сырт ел капиталы бар болған субъектлерге бағдарланған инвестициялардың есабы ҳәм аудити.
  
• 
  Сырт ел товар жибериўшилерден сатып алынған товар – материаллық запаслардың есабы ҳәм аудити.
  
• 
  Сырт ел фирмаларында қайта ислеў ушын жиберилген шийки затлардың есабы ҳәм аудити.
  
• 
  Финанслық есабат элементлерин баҳалаў ҳәм таллаў мәселелери.
  
• 
  Финанслық есабатта аудиторлық тәўекелшилик ҳәм әҳмийетлиликти анықлаў мәселелери
  
• 
  Финанслық есабат көрсеткишлери анализиниң өткерилиўи
  
• 
  Финанслық қойылмалардың есабы ҳәм аудити.
  
• 
  Финанслық нәтийжелердиң есабы ҳәм аудити.
  
• 
  Финанслық нәтийжелер ҳаққындағы есабатты дүзиў тәртиби ҳәм оның аудити.
  
• 
  Валюта курслары бойынша парықлардың есабы ҳәм аудити.
  
• 
  Дәўир қәрежетлериниң қурамы олардың есабы ҳәм аудити.
  
• 
  Финанслық инвестициялардың есабы ҳәм аудити.
  
• 
  Жеке капиталдың есабы ҳәм аудити.
  
• 
  Финаслық есабатты таярлаў ҳәм тапсырыўдың концептуал тийкарлары.
  
• 
  Уставлық ҳәм резервлер капиталының есабы ҳәм аудити.
  
• 
  Валюта операцияларының есабы ҳәм аудити.
  
• 
  Ағымдағы миннетлемелердиң есабын жүргизиў ҳәм олардың аудитин шөлкемлестириў.
  
• 
  Ағымдағы ҳәм узақ мүддетли миннетлемелердиң есабы ҳәм аудити.
  
• 
  Химия санааты өнимлерин сатыўға байланыслы қәрежетлердиң аудити ҳәм анализи.
  
• 
  Химия санаатында қәрежетлердиң есабы ҳәм өнимниң өзине түсер баҳасын калькуляциялаў.
  
• 
  Хожалық жүритиўдиң ҳәр түрли формаларында мийнетке ҳақы төлеўдиң есабы ҳәм аудити.
  
• 
  Хожалық жүргизиўши субъектлерде тәмийнат процесиниң есабын жүргизиў.
  
• 
  Хызмет көрсетиўши кәрханаларда дебиторлық, кредиторлық қарызлардың есабы ҳәм анализи.
  
• 
  Цемент ислеп шығарыў қәрежетлериниң есабы ҳәм өнимниң өзине түсер баҳасын анықлаў.
  
• 
  Шарўашылықта қәрежетлердиң есабын жүргизиў ҳәм өнимниң өзине түсер баҳасын калькуляциялаў.
  
• 
  Шарўашылықта тийкарғы паданы қурайтуғын қәрежетлердиң есабы ҳәм аудити.
  
• 
  Шет ел валютасындағы активлер ҳәм миннетлемелер есабының ҳәзирги ўақыттағы жағдайы ҳәм анализи.
  
• 
  Шет ел инвестициялары киритилген кәрханалар искерлигиниң есабы ҳәм аудитин шөлкемлестириўдиң тийкарғы принциплери.
  
• 
  Ширкет хожалықларында бухгалтериялық есапты шөлкемлестириўди жетилистириў.
  
• 
  Қурылыс материаларын таярлаў қәрежетлериниң есабы ҳәм өнимниң өзине түсер баҳасын анықлаў.
  
• 
  Шөлкемлестириў ҳүжжетлери, устав капиталы есабы ҳәм шөлкемлестириўшилер менен есапласыўдың аудиторлық тексериўи.
  
• 
  Экологиялық қәрежетлер есабы ҳәм экоаудитти шөлкемлестириў.
  
• 
  Экономика салаларындағы финанслық есапласыў көрсеткишлериниң есабы ҳәм аудити.
  
• 
  Экономика тармақларында өнимди ислеп шығарыўға кеткен қәрежетлердиң есабы ҳәм аудити.
  
• 
  Экономика тармақларында товар материаллық баҳалықлар баҳалары усылларының қолланылыўы (БЕМС №4).
  
• 
  Экономика тармақларында финанслық есап-санақты ислеп шығарыў ҳәм қолланыўдағы концептуаллық тийкарлар.
  
• 
  Экономика тармақларындағы дебиторлық ҳәм кредиторлық қарыздарлықтың есабы ҳәм аудити.
  
• 
  Тийкарғы қураллардан пайдаланыў ҳәм ижара қатнасықларының есабын жүргизиў.
  
• 
  Экономикалық тармақларда узақ мүддетли ҳәм ағымдағы миннетлемелердиң есабы ҳәм аудити.
  
• 
  Экономиканы еркинлестириў шараятында жанапай салықларды есаплаў ҳәм бюджетке төлемниң өзгешеликлери.
  
• 
  Экономиканы еркинлестириў шараятында резервлердиң есабы ҳәм оның анализи.
  
• 
  Экономиканы модернизациялаў шараятында лизинг хызметлери, оның есабы ҳәм анализи
  
• 
  Экономиканы модернизациялаў шараятында тийкарғы қураллардан нәтийжели пайдаланыў көрсеткишлери анализи.
  
• 
  Экономиканы модернизациялаў шараятында товар-материаллық запаслар есабы ҳәм аудити.
  
• 
  Экспорт-импорт операцияларының бухгалтерия есабы ҳәм бажы қуны аудити.
  
• 
  Электр – энергияны ислеп шығарыў қәрежетлериниң есабы ҳәм аудити.
  
• 
  Ярым таяр өнимлерди ислеп шығарыў қәрежетлериниң есабы ҳәм аудити.
  

Таңлап алынған теманы бекитиў ушын студент белгиленген формаларда (№1 қосымша) арза бериўи зәрүр. Питкериўши студентлерге темалар ҳәм басшыларын бекитиў сентябрь айында (4-курс) өткериледи.

Питкериў қәнигелик жумысларын ҳәм илимий басшыларын бекитиў университет ректорының буйрығы менен рәсмийлестириледи. Буйрық студентлерге соңғы әмелиятқа жоллама берилер алдында шығарылады.