1-amaliy mashg’ulot mavzu: Jismoniy rivojlanish va sog‘lom turmush tarzini shakllantirish o‘z imkoniyatlari va yoshi bilan bog‘liq jismoniy rivojlanish me’yorlariga

VII-Bob. Rejalashtirish.

Rejalashtirish -bu zaruriy shartlar, foydanilgan vositalar, shakl va usullar ko‘rsatilishi bilan o‘quv-tarbiyaviy ishlarni amalga oshirish tartibini, ketma-ketligini oldindan belgilash.
O‘quv-tarbiyaviy ishlarning samaradorligi umuman rejalashtirishning qanchalik puxta o‘ylangan va malakali amalga oshirilishiga bog‘liq.
Rejalashtirish nafaqat pedagogik vaziyatning rivojlanishidagi noaniqlik ulushini sezilarli darajada kamaytirishga, balki o‘qituvchining bugungi va ertangi harakatlarining uzluksizligini ta’minlashga ham imkon beradi.
O‘quv-tarbiyaviy faoliyatni rejalashtirish o‘qituvchi, bolalar jamoasi mutaxassislari va ota -onalarning hamkorligiga, birgalikdagi mashg‘ulotlarda ularning maqsadlari va vazifalarini tushunishlariga, maktabgacha ta’lim tashkilotida hayotni qiziqarli, foydali va ijodiy qilish istagiga asoslanadi.
Rejalashtirish modelini tanlashda har bir o‘qituvchining kasbiy tayyorgarligi, uning tajribasi, o‘z faoliyatining natijalarini ko‘rish, tahlil qilish, shuningdek, ixtisoslashtirilgan maktabgacha ta’limtashkiloti va reabilitatsiya markazlarining ish sharoitlarini hisobga olish kerak.
O‘quv-tarbiyaviy faoliyat guruhning kundalik tartibiga asoslangan bo‘lib, unda kundalik mashg‘ulotlar, bolalar o‘yinlari, bo‘sh vaqtlar va o‘qituvchilar va markazlar mutaxassislari (tibbiy va pedagogik xodimlar) rejalashtirgan o‘quv-tarbiyaviy faoliyat turlari o‘zaro almashib qo‘llaniladi.
O‘quv-tarbiyaviy faoliyat ta’lim va ijtimoiy ehtiyojlar (salomatlik, ovqatlanish va xavfsizlik)ni qondirish maqsadida bolaning yoshi va individual rivojlanishiga asoslanuvchi o‘quv rejasiga muvofiq olib boriladi. O‘quv-tarbiyaviy faoliyat bola hayoti va uning atrofini o‘rab turgan muhitdan kelib chiquvchi yagona bir butun mavzuga birlashtiriladi.