№1 Amaliy mashg’lot mavzusi

Mashg’lot mavzusi.


Qorin bo’shlig’ida joylashgan organlar shikastlanishlari, “ o’tkir qorin”
tushunchasi.
Reja:

1.Qorin sohasi organlari shikastlanishlari haqida umumiy tushuncha.

2. O’tkir appendisit, o’tkir xolesistit, o’t- tosh kasalligi.
3. Churra chiqishi, ichakdan ovqat va gaz o’tmay qolishi belgilarida yordam..
4. “ O’tkir qorin ” belgilari aniqlanganda ko’riladigan chora- tadbirlar.

Kerakli jihozlar: Bint, spirt, brilliant yashili, paxta, jarrohik qnsqichlari, paxta tamponlari, salfetkalar tayyorlash, tarqatma materiallar.

Talabalar Shyotkin- Byumberg cumptomini qanday aniqlanishini o’rganadilar, “O’tkir qorin” tushunchasi tarkibiga kiradigan kasalliklar haqida ma’lumotga ega bo’lib, bunday hollarda o’zini qanday tutish kerakligi haqidagi ko’nikmalarni egallaydi.
Qorin bo’shlig’ining o’tkir kasalliklari. Qorin bo’shlig’i organlarining to’satdan va tez avj oladigan kasalliklarida ko’pincha shoshilinch xirurgik yordam ko’rsatishni talab etadigan asoratlar paydo bo’ladi. Qorin pardasining yallig’lanishi (peritonit) va ichki qon ketishi ana shunday asoratlarga kiradi. Yuqorida qayd qilingan kasalliklarda o’z vaqtida xirurgik yordam ko’rsatilmasa, bemor halok bo’lishi mumkin.
Qorin bo’shlig’ida to’satdan qattiq og’riq paydo bo’lib, kasallikni aniqlashning iloji bo’lmasa, bemorni tezlik bilan kasalxonaga jo’natish kerak.
O’tkir appenditsit, me'dada yoki o’n ikki barmoq ichakning teshilgan yarasi. O’tkir xoletsistit, churra qisilishi, ichakdan birdaniga ovqat va gaz o’tmay qolishi, qorin bo’shlig’i organlarining yopiq va ochiq shikastlanishi, o’tkir pankreatit, bachadondan tashqaridagi homiladorlikda naychaning yorilishi. Moyak kistasining buralishi "qorinda o’tkir holat" (ostriy jivot) bo’ladigan kasalliklarga kiradi. Bu kasalliklarning asosiy xavfi shundaki, kasallik boshlanishidan to vrach yordami ko’rsatilguncha qancha ko’p vaqt o’tsa, bemorning ahvoli shuncha yomonlashadi va og’ir oqibatlar kelib chiqadi.