1 Амалиёт. Техника хавфсизлиги инструктажларини урганиш

IV. Авария вазиятларида хавфсизлик талаблари
4.1. Авария вазиятларида ёки авария содир бўлган тақдирда механизмни тўхтатиш ва механизмнинг кейинги бузилишини олдини олишнинг барча чораларини кўриш, авария атрофдаги инсонларнинг ҳаёти ва соғлигига хавф солган тақдирда инсонларни хавфдан огоҳ этиш. Зудлик билан бригадирга, смена устасига хабар бериш.
4.2. Қуйидаги вазиятларда зудлик билан бригадирга, смена устасига хабар бериш:

• 
  зирҳли плиталар (тоштахталар) тушиб қолса;
  
• 
  тегирмондан ташувчи жиҳознинг бузилганлиги сабабли жиҳоз устига пульпанинг тўкилиш хавфи бўлса;
  
• 
  тегирмон корпусида ёриқлар бўлса;
  
• 
  цапфали подшипниклар қизиб кетса;
  
• 
  жиҳоз ёки ҳимоя тўсиқларини таъмирлаш керак бўлса;
  
• 
  назорат-ўлчаш асбоблари бузилган бўлса.
  

4.3. Тегирмон машинисти қуйидаги ҳолларда жиҳознинг электр узатмасини зудлик билан (аварияли) ўчириши ва бригадир, смена устасига хабар бериши шарт:

• 
  электродвигателда ёки ишга тушириш-бошқариш аппаратида тутун ёки аланга пайдо бўлса;
  
• 
  бирор инсон билан содир бўлган бахтсиз воқеа электродвигателнинг зудлик билан тўхтатилишини талаб қилса;
  
• 
  вибрация меъёрдан ошса;
  
• 
  узатмали механизм бузилса;
  
• 
  подшипниклар қизиб кетса;
  
• 
  айланишлар сони кескин пасайиши натижасида электродвигатель тез қизиб кетса.
  

4.4. Ёнғин ёки ёниш аниқланган вазиятларда:

• 
  зудлик билан смена бошлиғига, завод диспетчерига ва ёнғиндан сақлаш хизматига хабар бериш;
  
• 
  цех ёки иш жойида мавжуд бўлган ўт ўчириш воситаларидан (ўтўчиргич, ички ёнғин крани, сувли шланг ва б.) фойдаланган ҳолда ёнғин ўчоғини ўчиришга киришиш;
  
• 
  ёнғин жойига смена устасини (тел. 31-52, 76-562), смена бошлиғини (тел. 31-52, 76-567), цех бошлиғини (тел. 27, 76-462) чақириш чораларини кўриш.
  

4.5. Жароҳатланган ёки заҳарланган жабрланувчига биринчи ёрдам кўрсатиш жараёнида:

• 
  инсон танасига таъсир этаётган хавфли ва зарарли омилларни бартараф этиш (таъсир этаётган токдан озод қилиш, заҳарланган муҳитдан олиб чиқиш,ёнаётган кийимини ўчириш ва б.);
  
• 
  жабрланувчининг аҳволини баҳолаш;
  
• 
  ҳаёт учун энг кўп хавф солаётган жароҳат турини ва қутқариш ҳаракатлари кетма-кетлигини аниқлаш;
  
• 
  жабрланувчи учун зарур бўлган қутқарув тадбирларини ўтказиш (нафас йўли ўтказувчанлигини тиклаш, сунъий нафас олдириш, юракни ташқи массаж қилиш, қон кетишини тўхтатиш, боғич қўйиш, синган жойни иммобилизация қилиш);
  
• 
  тиббиёт ходими келгунга қадар ҳаётий муҳим функцияларини тутиб туриш;
  
• 
  завод тиббиёт пунктидан тиббиёт ходимини чақиртириш (тел. 31-36, 76-559), смена бошлиғига хабар бериш (тел. 31-52, 76-567).