1 Амалиёт. Техника хавфсизлиги инструктажларини урганиш

II. Ишни бошлашдан олдинги хавфсизлик талаблари
2.1. Конвейер машинисти ишни бошлашдан олдин қуйидагиларга мажбур:
2.1.1. Мувофиқ махсус кийим, махсус пойабзални кийиш, керакли шахсий ҳимоя воситаларини олиш.
2.1.2. Смена устасидан топшириқ олиш ва вазифанинг ўзига хос хусусиятлари ҳақида инструктаж ўтиш.
2.1.3. Электродвигателлар ва ишга туширувчи жиҳознинг заминланиш ҳолатини ва бутунлигини текшириш.
2.1.4. Конвейерларнинг конструкциясида кўзда тутилган тўсувчи жиҳоз мавжудлигини ва ишончли махкамланганлигини текшириш.
2.1.5. Асбоб ва огоҳлантирувчи плакатларнинг мавжудлиги ва бутунлигини текшириш.
2.1.6. Шахсий ҳимоя воситаларининг мавжудлигини ва ҳолатини текшириш.
2.1.7. Иш жойларининг ёритилганлиги ва озодалигини текшириш.
2.1.8. Сигнализация ва радиокарнайли алоқанинг созлигини текшириш.
2.1.9. Чангни бостириш тизими ишини, оқимни тортувчи вентиляциясининг ишини текшириш.
2.1.10. Лентали конвейер, плугли тўкгич ва руда тушиш нуқтасининг техник ҳолати ҳақида бригадир (уста ёки смена бошлиғи) га хабар бериш.


III. Иш вақтида хавфсизлик талаблари
3.1. Конвейер машинисти иш вақтида қуйидагиларни бажаришга мажбур:
3.1.1. Фақатгина ишга яроқли жиҳозда ишлаш.
3.1.2. Ишчи зонага бегона кишиларни йўлатмаслик.
3.1.3. Шахсий ҳимоя воситаларини тўғри ишлатиш.
3.1.4. Конвейер электр схемасини қисмларга ажратилишини смена устаси ёки смена бошлиғи орқали таъминлаш, жиҳознинг электр схемасини қисмларга ажратилганини “пуск” тугмасини босиб кўриб текшириш ва қуйидаги ишларни бажариш учун “Ёқилмасин-одамлар ишлаяпти!” плакатини илиб қўйиш:

• 
  тушиб кетган роликларни ўрнатиш,
  
• 
  тўсиқ ўрнатиш,
  
• 
  узатмалардаги ярим муфталар бармоқларини алмаштириш,
  
• 
  тушиш нуқтасидаги уюмларни қисмларга ажратиш,
  
• 
  транспортёр скальпланган лентаси флекс. қирғоқларини алмаштириш,
  
• 
  редукторларга мой қуйиш, узеллар ва механизмларни мойлаш,
  
• 
  транспортёр роликларини ва барабанларини тозалаш,
  
• 
  тушиш нуқтаси қия тахтасини тозалаш.
  

3.1.5. Транспортёр ленталари, тормоз тизими, роликли таянчлар, барабанлар, тушиш нуқталарининг ишга яроқлилигини назорат қилиш.
3.1.6. Турғун тозалаш пичоғидан фойдаланган ҳолда барабанларни ўз вақтида тозалаш.
3.1.7. Конвейерни авария арқони (троси) билан тўхтатиш зарурати туғилганда, бир қўл билан тўсиқни ёки конвейер металл конструкциясини ушлаган ҳолда, иккинчи қўл билан авария тросини тепага тортиш.
3.1.8. Электр сими, заминлаш, ишга тушириш аппарати бузилганликлари аниқланган вазиятда, бузилганликларни бартараф қилиш учун навбатчи электрикни чақириш.
3.1.9. Оқим тортувчи вентиляция ва сув билан чангни бостириш тизимлари ишини ва ишга яроқлилигини текшириш.
3.2. Конвейер машинистига тақиқланади:
3.2.1. Бузилган жиҳозда ишлаш.
3.2.2. Лентани жойдан жилмай айланишини бартараф қилиш мақсадида мастика, битум, қипиқ ва бошқа материаллардан фойдаланиш.
3.2.3. Ҳаракатланаётган конвейерларда ҳар турдаги ишларни бажариш ва мойлаш.
3.2.4. Конвейерни авария троси билан тўхтатиш жараёнида оёқлардан ёки бегона буюмлардан фойдаланиш.
3.2.5. Конвейер ҳаракатланаётганда иш жойини ташлаб кетиш.
3.2.6. Ўзи хизмат кўрсатмайдиган агрегатларни ишга тушириш.
3.2.7. Конвейер тўхтаган вазиятда, унинг тўхташ сабабини аниқламасдан ишга тушириш.
3.2.8. Оқим тортувчи вентиляция ва чангни бостириш тизимларисиз ишлаш.
3.2.9. Тез алангаланувчи ва ёнувчи суюқликлар (керосин, бензин, дизел ёқилғи ва б.лар) дан жиҳозни тозалаш мақсадида фойдаланиш.