1 Амалиёт. Техника хавфсизлиги инструктажларини урганиш

1000 В дан юқори кучланишда жабирланувчи ток ўтказувчи қисмлардан ажратиш учун ҳимоя воситаларидан: диэлектрик қўлқоплар ва ботиклар кийиш ва тегишли кучланишга мўлжалланган штанга ёки изоляцияланган омбирлардан фойдаланиш лозим.
6-20 кВ ли электр ўзатиш хаво линияларида, уларни тезлик билан таъминлаш манбаи томонидан ўзиш мумкин бўлмаса, ҳаво линиясини учириш учун сунъий равишда қиска туташув ҳосил қилиш керак. Бунинг учун ҳаво линияси симларига изоляцияланмаган эгилувчан симни ташлаш лозим. Ташланаётган сим, у орқали қисқа туташув токи ўтаётганида, кўйиб кетмаслиги учун етарлича кесимга эга бўлиши шарт. Сим ташланишидан олдин, унинг бир учи ерга ўланиши (металл таянчга, ерга ўловчи туширгич ёки алоҳида ерга ўлагич ва бошқаларга ўланиши) керак, иккинчи учига эса ташлаганда қулай бўлишиш учун мумкин қадар юк осилиши лозим. Симни шундай ташлаш керакки, у одамларга, шу жумладан ёрдам кўрсатувчи шахсга ҳам жабрланувчига ҳам тегиб кетмаслиги керак. Симни ташланаётганда диэлектрик қўлқопларни ва ботикларни кийиб олиш шарт.
Ёрдам кўрсатувчи шахс, агар ток ўтказувчи қисм (сим ва ҳоказо) ерда ётган бўлса қадам кучланиши хавфини эсда тутиши керак. Бу зонада айниқса эҳтиёткорлик билан, ердан изоляция бўлиши учун ҳимоя воситалари (диэлектрик калишлар, ботиклар, гиламчалар, изоляцияловчи тагликлар) ва электр токини ёмон ўтказадиган (қуруқ ёғочлар, ходалар ва ҳоказо) жисмлардан фойдаланган ҳолда ҳаракат қилиш лозим. Ерга туташув токининг ёйилиши зонасида ҳимоя воситаларисиз ҳаракат қилганда, оёқларни бир – биридан ўзмай ерда суриб юриш керак.