1-§. To’plamlar ustida amallar va akslantirishlar

So’z boshi

Ushbu uslubiy qo’llanma Urganch davlat universiteti fizika-matematika fakultetida matematika mutaxassisligi bo’yicha ta’lim olayotgan yuqori kurs talabalarga va magistrantlarga mo’ljallangan. Unda funksional analiz fanining namunaviy dasturida ko’rsatilgan mavzular bo’yicha misollarni yechish usullari va talabalarning o’zlari mustaqil yechishlari uchun topshiriqlar keltirilgan.

Keltirilgan mashqlar asosan yechilishi oson bo’lgan mashqlar bo’lib, talabalarda mavzular bo’yicha boshlang’ich tushuncha va misol yechish malaka va ko’nikmasini hosil qilish uchun mo’ljallangan. Aniqroq qilib aytganda, ushbu qo’llanma «Matematik analiz» fanining 1-kurs materiallarini o’zlashtirgan, «Haqiqiy o’zgaruvchining funksiyalari nazariyasi» va «Funksional analiz» fanlarini o’rganishni boshlovchilar uchun mo’ljallangan.

Ushbu qo’lanma funksional analiz fanidan mashg’ulot olib borayotgan professor-o’qituvchilar uchun talabalar mustaqil ishini tashkil etishda ham muxim manba bo’ladi deb o’ylaymiz.