1- мавзу: Қурилиш ташкилотларида бухгалтерия ҳисобини ташкил қилиш асослари

Харажат счётлари	Жами амортиза-ция суммаси
Шу жумладан объектлар бўйича
А		Б		В
%	сумма	%	сумма	%	Сумма
1	2010 «Асосий ишлаб чиқариш»	6000000		3000000	-	2000000	-	1000000
2	2310 «Ёрдамчи ишлаб чиқариш»	2000000	50	1000000	20	400000	30	600000
3	2510 «Умум-ишлаб чиқариш харажатлари»	3000000	10	300000	30	900000	60	1800000
	Жами	11000000	-	4300000	-	3300000	-	3400000

Қурилиш ишлари таннархига киритилмайдиган меҳнат ҳақи харажатлари. Бу харажатларни қуйидаги гуруҳларга ажратиш мумкин:
1.Капитал инвестициялар таркибига кирадиган меҳнатга ҳақ тўлаш харажатлари. Бундай харажатлар бўлиб хўжалик усулида олиб борилган капитал инвестицияларга доир меҳнатга ҳақ тўлаш харажатлари ҳисобланади. Улар қурилиш ташкилотларида 0800 «Капитал қуйилмалар» счётининг дебетида акс эттирилади ҳамда капитал қурилиш, реконструкция, кенгайтириш ва модернизация ишлари якунлангач, мос равишда, асосий воситаларнинг бошланғич (тикланган) қийматига киритилади.
2.Асосий воситаларни тугатишдан олинадиган даромадлар ҳисобидан қопланадиган иш ҳақи харажатлари. Бу турдаги харажатлар 9210 «Асосий воситаларнинг чиқими» счётининг дебетида акс эттирилади. Тугатишдан даромад кўрилмаганда тугатиш учун ҳисобланган иш ҳақи харажатлари қурилиш ташкилотлари учун қўшимча зарар олиб келади ва у, мос равишда, 9430 «Бошқа операцион харажатлар» счётига ёпилади.
3.Давр харажатларига киритиладиган меҳнатга ҳақ тўлаш харажатлари. Ушбу харажатлар бўлиб бажарилган қурилиш ишларини сотиш (9410 счёт), маъмурий-бошқарув (9420 счёт), шунингдек бошқа операцион харажатларга (9430 счёт) киритилган иш ҳақи харажатлари ҳисобланади. Улар қурилиш ташкилотининг сотишдан олган ялпи фойдаси ҳисобидан қопланади ва мос равишда 9910 «Якуний молиявий натижа» счётига ёпилади.


МАВЗУГА ОИД ТАЯНЧ ИБОРАЛАР
1. Асосий ходимлар
2. Асосий бўлмаган ходимлар