1- мавзу: Қурилиш ташкилотларида бухгалтерия ҳисобини ташкил қилиш асослари

Қурилиш ишлари таннархига киритиладиган асосий ишлаб чиқариш харажатлари

Харажат гуруҳи	Харажат моддалари	Бошланғич ҳужжатлар ва ҳисоб регистрлари
Бевосита материал харажатлари	Қурилиш ишларига бевосита сарфлан- ган қурилиш материаллари, ярим фабрикатлар ва буюмлар, ёқилғи ва мойлаш материаллари, хўжалик инвентарлари ва бошқа материаллар	Материал ҳисоботи (М-19) Материал сарфи ҳисоботи (М-29) 10-с журнал-ордер
Бевосита меҳнат ҳақи харажатлари	Қурилиш ишларини бевосита олиб борган қурилиш бригадалари аъзоларига ҳисобланган асосий иш ҳақи ва мукофатлар	Нарядлар Табеллар Ҳисоб-тўлов қайдномалари 10-с журнал-ордер
Бевосита меҳнат ҳақи фондидан ижтимоий суғуртага ажратмалар	Қурилиш ишларини бевосита олиб борган қурилиш бригада аъзолари иш ҳақи фондидан ижтимоий суғуртага ажратмалар	Ижтимоий суғуртага ажратма ҳисоб-китоби 10-с журнал-ордер
Амортизация ажратмалари	Қурилиш ишларини олиб боришда бевосита иштирок этган асосий воситалар, номоддий активлар бўйича ҳисобланган эскириш суммаси	Амортизация ҳисоб-китоби 10-журнал-ордер
Бошқа ишлаб чиқа-риш харажатлари (билвосита устама харажатлар)	1.Асосий ишлаб чиқариш харажатларига олиб борилган материаллар қийматидаги фарқлар 2.Асосий ишлаб чиқариш харажатларига олиб борилган турли хизматлар (лойиҳалаштириш, сертификатлаш ва транспорт хизматлари, газ, сув ва электр қуввати билан таъминлаш, таъмирлаш ва бошқа хизматлар) 3.Асосий ишлаб чиқариш харажатларига олиб борилган меъёрдаги йўқотишлар 4.Асосий ишлаб чиқариш харажатларига олиб борилган ёрдамчи ишлаб чиқариш ва умумишлаб чиқариш чиқариш харажатлари 5.Асосий ишлаб чиқариш харажатларига ҳисобдан чиқарилган келгуси давр харажатлари 6.Бошқа ишлаб чиқариш харажатлари	Счёт-фактуралар Далолатномалар Бухгалтерия ҳисоб-китоблари 10-с журнал-ордер Бошқа ҳужжатлар ва регистрлар

Қурилиш ташкилотларида асосий ишлаб чиқариш харажатларининг синтетик ҳисоби 2010 «Асосий ишлаб чиқариш» счётида олиб борилади. Ушбу счёт доирасида ҳар бир қурилиш объекти харажатлари ҳисоби учун алоҳида аналитик счётлар очилади.

2010 «Асосий ишлаб чиқариш» счёти доирасида аналитик счётларнинг очилиши, юритилиши ҳамда ёпилиши мисол тариқасида 5.2-жадвалда келтирилган.