1 – мавзу: инвестицияларнинг иқтисодий мазмуни, моҳияти ва инвестиция жараёнларининг асосий босқичлари

9.2-жадвал
Лойиҳалаштириш ишларини босқичлар бўйича ташкил этиш схемаси⁶⁹

Ишлар босқичи	Асос	Ижрочилар
1-босқич. Лойиҳа олди ишлари
1.1. Техник-иқтисодий асоснома (ТИА) ишлаб чиқиш	Капитал қўйилмаларнинг режаси. Қарор (қурилишни амалга оширувчи ташкилот-нинг буйруқлари)	Буюртмачи ёки унинг топшириғига кўра лойиҳавий ёки илмий-тадқиқот ташки-лоти
1.2. Лойиҳалаштириш учун шартномалар тузиш	Буюртмачининг таклифи	Буюртмачи ёки лойиҳавий ташкилот
2-босқич. Лойиҳавий ишлар
2.1. Қидирув-изланиш	Буюртма ва шартнома	Лойиҳавий ташкилот
2.2. Босқичлар бўйича лойиҳани ишлаб чиқиш	Лойиҳалаштириш учун белгиланган вазифалар (буюртма), лойиҳани ишлаб чиқиш ва шартнома тузиш учун йўриқнома	Лойиҳавий ташкилот
3-босқич. Лойиҳани экспертизадан ўтказиш ва тасдиқлаш
3.1. Лойиҳани экспертизаси	Лойиҳани ишлаб чиқиш тартиби бўйича йўриқнома ва лойиҳани экспертиза қилиш бўйича йўриқнома	Лойиҳавий ташкилот, лойиҳалар экспертизаси бўлими
3.2. Лойиҳани тасдиқлаш	Лойиҳани ишлаб чиқиш тартиби бўйича йўриқнома	Лойиҳавий ташкилот, тегишли муассаса томонидан лойиҳанинг тасдиқланиши

Қурилишнинг амалга оширилиши тегишли тартибда тасдиқланган лойиҳавий ҳужжатларсиз амалдаги қонунчиликка кўра таъқиқланади. Капитал қурилишни лойиҳалаштиришда лойиҳа олди ҳужжатлари, лойиҳа ҳужжатлари, дастлабки ТИА ёки дастлабки техник-иқтисодий ҳисоблаш, якуний ТИА ёки техник-иқтисодий ҳисоблаш, ишчи лойиҳа, смета, иш ҳужжатлари, лойиҳаловчи, етказиб берувчи (ишлаб чиқарувчи), қурилишларнинг аниқ рўйхати, қурилишларнинг титул рўйхати, маблағ билан таъминловчи орган, ижро ҳужжатлари, қурилиш майдони, вақтинчалик иншоотлар, бириктириладиган ишлар, шартнома нархини бўлиб чиқиш каби тушунчалар қўлланилади.

Шуни таъкидлаш жоизки, капитал қурилишда лойиҳалаштиришнинг марказий қисмини лойиҳанинг ТИА эгаллайди.
Таниқли хорижлик иқтисодчи-олимлардан В.Беренс, П.Хавранеклар фикрича: “техник-иқтисодий асослаш – бу салоҳиятли инвесторлар, лойиҳа қурувчилари ва молиячиларни инвестициялаш ва молиялаш усуллари бўйича қарор қабул қилиш учун зарур бўлган маълумотлар билан таъминловчи восита”⁷⁰. Россиялик олим В.Золотогоров: “техник-иқтисодий асослаш – бу инвестиция лойиҳасининг самарадорлиги ва мақсадлилигини кўриб чиқишга имкон берувчи техник ва ташкилий қарорлар, ҳисоб-смета, баҳолаш ва бошқа кўрсаткичларни акс эттирувчи ҳисоб-аналитик ҳужжатлар тўплами”⁷¹, дея тавсифлайди.
Умуман айтганда, биринчидан, лойиҳани ТИА унинг самарадорлиги ва афзаллигини таъминлаш учун олиб борилган изланишлар натижасида олинган таҳлилий маълумотларни, баҳолаш ва ҳисоб-смета кўрсаткичларини, техник ва ташкилий қарорларни ўзида мужассам этувчи ҳисоб-аналитик ҳужжатлар тўплами ҳисобланади.



Лойиҳа стратегияси ва маркетинг концепцияси (1-бўлим)


Сотиш дастури
(2-бўлим)


Лойиҳанинг жойлашув жойи, майдони ва атроф-муҳит (4-бўлим)


Ишлатилувчи моддий ресурслар (3-бўлим)