1 – Амалий машғулот. Нефтни қайта ишлаш ва яримфабрикатларни тозалаш

2.8. Коррозион хоссалари ва уларга таъсир қилувчи омиллар 
Ишлатилиш жараёнида автомобил бензинлари турли металлар ва 
қотишмалар билан контактда бўлади ва уларни коррозиялайди. Резервуарлар, 
трубопроводлар, 
ёнилғи 
баклари, 
двигател 
деталлари 
ва 
ҳ.к.лар 
коррозияланади. Ёнилғида кимёвий актив бирикмалар (органик кислоталар, 
олтингугуртли бирикмалар, сувда эрувчи кислоталар ва ишқорлар)нинг бўлиши 
унинг коррозион активлигини белгилайди ҳамда двигател эксплуатацион 
кўрсаткичларини ёмонлаштирувчи қатламлар ҳосил қилади. 
Сув, сувда эрувчи кислота ва ишқорлар ҳамда олтингугурт бирикмалари – 
коррозион таъсир нуқтаи назаридан энг хавфлидирлар. 
Сувда эрувчи кислоталар ва ишқорлар 
Сувда эрувчи кислоталар ва ишқорлар – электролитлардир. Уларнинг 
томчилари металл сиртига ёпишиб, у ерда электрокимёвий коррозияни 
чақиради. Коррозия маҳсулотлари ёнилғига ўтади ва филтрлар ҳамда бошқа 
ёнилғи аппаратураларини ифлослайди. 
Ноорганик кислоталар ва ишқорлар – аралашмалар бўлиб, ёнилғига уни 
тозалашда тушиши мумкин. Масалан, бензинни ишлаб чиқаришда уни органик 
кислоталардан тозалаш учун уни ишқор эритмаси билан тозалашади, сўнгра сув 
билан ювишади. Бензин етарли даражада самарали ишланмаса, унда ишқор 
билан сув қолиши мумкин. 
Минерал тузлар ва кислоталар ёнилғи учун энг зарарли ҳисобланади. 
Уларнинг ёнилғи таркибида бўлиши рухсат этилмайди. Бензинлар ва дизел 
ёнилғилари таркибида минерал кислоталар ва ишқорлар бор-йўқлигини 
текшириш сифат тавсифига эга. 

---

26 
Нафтен (органик) кислоталар 
Нефт таркибидаги органик кислталар қайта ишлов пайтида бензин ва 
дизел ёнилғиси таркибига ўтади. 
Нафтен кислоталари – кучсиз электролитлар бўлиб, уларнинг коррозион 
активлиги жуда суст, шу туфайли улар нефт маҳсулотлари таркибидан тамоман 
четлатилмайди, балки уларнинг миқдори чекланади. Бундан ташқари, улар 
мойловчи таъсирга эга. Органик кислоталарнинг ёнилғидаги миқдори