0‘zbekist0n respublikasi oliy va 0‘rta maxsuis ta’lim vazirligi g‘. Hojiahmedov, I. Yaxyayeva, M. Umarova, A. Usmonov sifat menejmenti

Ta’minotchilarni nazorat qilish

Buyurtmachilar tomonidan ta’minotchilarni nazorat qilish. Har bir

mahsulotni yetkazib berish shartnomasini imzolagan istalgan korxona ta’minotchining vakillari yetkazib berilayotgan mahsulotlarning sifati va ta’minotchining korxonasida ishlab chiqarish jarayonini boshqarish tizimini tekshiradigan ta’minotchining nazoratchilari faoliyati bilan yaqindan tanishadi. Ta’minotchida o‘z nazoratchilarining ishlashi buyurtmachiga kirish nazoratini qisqartirish imkoniyatini beradi.

Bevosita ta’minotchining korxonasida muammolarni aniqlash buyurt­machiga sifatsiz mahsulotlar yetkazib berilishining oldini oladi va ta’mi­notchiga oldindan zarur tuzatish choralarini ko‘rish imkoniyatini beradi. Tuzatish choralari tez va samarali tashkil qilinadi, chunki nuqsonli mahsulot ishlab chiqaruvchilar tomonidan va ta’minotchining tuzatish tadbirlarini o‘tkazish uchun mas’ul shaxslar tomonidan darhol aniqlanadi.

Ta’minotchida buyurtmachining nazoratchilaridan foydalanish jarayonni boshqarish tizimining samarali ishlayotganiga ishonch hosil qilish uchun nazoratni o‘tkazish va jarayonni boshqarish tizimini nazorat qilish mumkin. Buning uchun ta’minotchi barcha hujjatlarga ega bo‘lishi va nazoratchiga

aniq, qisqa tuzilgan nazorat ro'yxatini taqdim etishi lozim. Jarayonni nazorat qilishning amal qilinayotgan tizimi nazoratchiga muammolar yuzaga kelgan holatda ularni hal qilish yo'llarini ko'rsatishi kerak.

Hozirgi vaqtda buyurtmachining nazoratchilari ta’minotchida ishlab chiqarish jarayonini boshqarish tizimini emas, balki yetkazib berilayotgan mahsulotning sifatini tekshiradilar. Nazoratchilarning ahamiyatini oshirish maxsus tayyorgarlik va kasbiy mahoratni talab qiladi. Nazoratchilarni jadal tayyorlash va o'qitish natijasida belgilangan talablar bajariladi.