0 ‘ т к I r h o s h I m o V

О ‘tkir Hoshimov
tegadi. - Choi shundoq deb oltin qoziqni osmon peshtoqiga 
qoqib qo‘yibdi. 0 ‘sha zahoti o‘zi ham olamdan o‘tibdi.
Yetti og‘ayni qaroqchi emasmi, hammasi baravariga oltin 
qoziqqa tashlanibdi. Lekin bittasining ham bo‘yi yetmabdi. 
Bir oy tortishibdi, bir yil tortishibdi, ming yil tortishibdi...
0 ‘shandan buyon ko‘p zamonlar o‘tibdi. Yetti qaroqchi 
oltin qoziq atrofida haliyam charx urib aylanarmish-u bit- 
tasiyam ega bo‘lolmasmish. Osmondagi hamma yulduzlar 
oltin qoziq atrofida charx urib yotarmish. Oltin qoziq bo‘lsa 
haliyam joyida qimir etmay turarmish. Cho‘l-biyobonlarda 
adashgan karvonlarga yo‘l ko‘rsatarmish, to‘fonda qolgan 
kemalar unga qarab manzilni topib olarmish... Lekin bu yul- 
duzning bitta siri bormish: sarbonning niyati buzuq bo‘Isa, 
kema darg‘asining dili порок bo‘lsa, karvon ham, kema ham 
yo‘ldan adashib, xarob bo‘larmish...
... Tom ustida qator o‘rin solib yotibmiz. Yetti kishi: oyim, 
ukam, men, opam, o‘rtancha akam, katta akam, dadam... G‘ir- 
g‘ir shabada esadi. 0 ‘rik bargagi bilan uning ustiga sepilgan 
yalpiz hidi dimog‘ga uriladi. Hamma yoq jimjit... Hatto on- 
da-sonda akillab qo‘yadigan itlar ham pinakka ketgan. Olis- 
dan poyezd tovushi ham eshitilmaydi, chigirtkalar chirilla- 
maydi. Faqat osmonda yulduzlar yaraqlaydi. Osmon to‘la 
yulduz: g‘uj-g‘uj... Siz jimgina yotib quloq soling, ulaming 
shivirlashayotganini eshitasiz. Yo‘q, nima deyayotganini tu- 
shunmaysiz, ammo gaplashayotganini eshitasiz, albatta, eshi­
tasiz... Ana, yetti qaroqchi! Qarang, boya ,,dumi“ balandda 
edi, endi pasayib qolibdi. Bundan chiqdi, dadam rest aytyapti: 
ular Oltin qoziq atrofida aylanishyapti, har qaysisi men ega 
bo‘lsam deydi! Oltin qoziqning o‘zi qani deysizmi? Ana-ku! 
Yetti qaroqchining yonginasida simob tomchisidek yaltirab 
turibdi. Lekin yetti og‘aynining bittasiyam uni ololmaydi. 
Nega deganda ulaming niyati yaxshimas...
...Oradan ko‘p yillar o‘tganidan keyin bir astronom do‘s- 
timdan g‘alati gaplami eshitdim. Yoz kechalaridan birida

---