Қ орақалпоғистон қишлоқ ХЎжалиги ва агротехнологиялар институти

Қ.х.ф.н. М.АРСЛОНОВ: Айтган нарсам учала тур ҳашарот тўғрисида эди, мазкур турлар бир вақтда далада учрамайди, тўғрими. Лекин дориларнинг таъсири ҳам бир хил бўлиб ҳашаротни самарадорлиги бир хил бўлиб қолаяпти. Кейин 11 та нима учун битта назорат ишлатгансиз?
Б.О.БАЎЕТДИНОВ: Назорат варианти ҳар бир тажриба учун алоҳида олинган, ва ундаги маълумотлар зараркунанда турлари ҳисобланиб, андоза сифатида Агрофос-Д олганмиз.
Қ.х.ф.н.М.АРСЛОНОВ: Андозани даҳли йўқ, бу ерда назоратни таъсирини назарда тутаяпман.
РАИС: Саволни тушундингизми?
Б.О.БАЎЕТДИНОВ: Тушундим. Тавсия этилган методик усул бўйича тажриба давомида назарот вариантига препаратлар ишлатилмайди, шу боис тадбирнинг таъсир этиш даражаси ҳисобга олинмади.
РАИС: Раҳмат. Марҳамат, кенгаш аъзоси қишлоқ хўжалиги фанлари номзоди, доцент Алиев Шоввоз Каримович.
Қ.х.ф.н. Ш.К.АЛИЕВ: Бахтияр Отебаевич айтинг-чи, кузги буғдой биотопидa пaйдо бўлaдигaн зaрaркунaндaлaрдaн: буғдой трипсини юзага келишида қандай сабаблар бўлади?
Б.О.БАЎЕТДИНОВ: Саволингиз учун раҳмат, Қорақалпоғистон шароитида буғдой трипси тарқалиши ва ривожланиш шароитига таъсир этадиган асосий абиотик омиллар элементлари ҳисобланиб, 15-16 йил олдин кемирувчи зараркунандалар кўп зарар келтирган бўлса, ҳозирда ҳаво ҳароратининг кескин ўзгарганлиги туфайли мазкур тур сони ортиб бораётганлиги ҳисобга олинди.
Қ.х.ф.н.Ш.К.АЛИЕВ: Агрессивлик нуқтай назаридан қайси бири юқори?
Б.О.БАЎЕТДИНОВ: Ушбу кўрсатилган зараркунанда турлари орасида тарқалган ареаллари, келтирадиган зарар мезони бўйича зaрaрли хaсвa доминант тур ҳисобланиб, 10,9 ц/га ҳосилга зарар келтирди.
Қ.х.ф.н. Ш.К.АЛИЕВ: Яъни янги биотопига демоқчисизда?
Б.О.БАЎЕТДИНОВ: Ҳа, буғдой биотопида зaрaрли хaсвaнинг зарар келтириш мезони катта ҳисобланади.
Қ.х.ф.н. Ш.К.АЛИЕВ: Рентабеллик қандай усул билан аниқланди?
Б.О.БАЎЕТДИНОВ: Рентабеллик даражаси ҳимоя қилиш учун сарфланган суммадан, умумий соф фойдани ажратиб, уни 100 га кўпайтириш усули билан аниқланди.
РАИС: Раҳмат. Марҳамат, яна кимда қандай савол бор? Кенгаш аъзоси, қишлоқ хўжалиги фанлари доктори, доцент Бойжигитов Фозил Мухаммадиевич.