Ҳ. А. АрFинбоев, Ҳ. У. Абдуллаев, А. М

5.1-жадвал
Ғўза турли навларининг ривожланиш даврлари бўйича
самарали ҳароратлар йиғиндиси.

Ғўза нави	Даврлар бўйича самарали ҳароратлар йиғиндиси
	Экиш-гуллаш	Шоналаш-гуллаш	Гуллаш- 1 кўсакларнинг очилиши	Экиш-1 кўсакларнинг очилиши
С-4727	970	480	760	1730
Тошкент гуруҳи	1000	500	850	1850
АН Баяут-2	1010	430	740	1750
Бухоро-6	1050	430	890	2040
С-6030, С-6037	1030	550	1000	2030
С-6524	970	450	865	1865
Термиз-14,16	1060	530	1060	2120

5.1-жадвалдан кўринадики, ғўзанинг турли навлари учун чигит экишдан токи 1-кўсакларнинг очилишигача 1730 дан 2200С гача самарали ҳароратлар йигиндиси керак.

Шундай қилиб, ўртача суткалик ҳаво ҳароратнинг 5С, 10С лардан турғун ўтиши қишлоқ хўжалик экинларининг фаол вегетацияси бошланишининг асосий шартларидан биридир. Бунда, албатта, ўсимликка зарур бошқа омиллар, масалан тупроқ намлиги етарли бўлиши керак.
Ўзбекистон Республикаси ҳудудларида баҳорда бундай ўртача суткалик ҳаво ҳароратларининг қачон бошланиши ва кузда 10С, 5С лардан пасайиш муддатларини билиш қишлоқ хўжалиги ходимлари учун аҳамиятга эга. Бу ҳақидаги маълумотларни 5.2-жадвалдан кўриш мумкин.
Мазкур 5.2-жадвалдан кўринадики, Ўзбекистон ҳудудларида ўртача суткалик ҳароратнинг 5С дан турғун ўтиши шимолда март ойининг охири–апрел ойининг бошларида, жанубда эса феврал ойининг охири ва март ойининг бошларида рўй беради.
10С лик ўртача суткалик ҳароратнинг бошланиши эса ўртача ҳисобда март ойининг охирги декадасида-апрел ойининг биринчи ярмида амалга ошади. Кузда 10С дан паст ҳароратларга ўтиши ўрта ҳисобда октябр ойида ва ноябр бошларида бошланади.
Иссиқ даврнинг термик ресурсларини кўпинча самарали ҳароратлар йиғиндиси (10С дан юқори) билан характерланади. Ўзбекистонда 11 апрелдан 31 октябргача бўлган вегетация даври учун текисликларда самарали ҳароратлар йиғиндиси 2000-2800С ни ташкил қилади.
Кўрамизки, республикамиз иқлимининг термик ресурслари энг иссиқсевар ўсимликлардан бўлган ғўзанинг иссиқликка талабига жавоб беради.